Offside › Набрзинка

ФК Вардар ја одглави сметката во висина од 3,2 милиони евра

4 март 2025

Подигната е блокадата во вредност од 3 милиони поставена од УЈП и 200.000 евра од АД за изградба и стопанисување со станбен и деловен простор.
„АД ФК Вардар од Скопје ја информира заинтересираната спортска и општествена јавност дека продолжува со интензивна деблокада на сметката на клубот.
Штетата и долговите што намерно или од незнаење ги имаат направено предходните управи, а немале капацитет, знаење и желба да го одглават клубот од ова финансиско ропство, актуелното раководство го решава во исклучително краток рок.
Долговите правени цела една декада, ќе бидат расчистени за период од 5 месеци од комплетното новото формално-правно менаџирање со Акционерското друштво“, стои во дел од соопштението на клубот.

Миленко Неделковски: До крај на април ќе се одблокира сметката на Вардар

извор

Се појави лажен профил на македонската Арена спорт

8 април 2026

На Фејсбук се појави страница под името Арена Спорт со порака „Следи го пулсот на играта — секој ден“, која не е официјална и нема врска со телевизијата.
Новинарската екипа е пред комплетирање и се очекува наскоро да зрачи во етер на македонски.
„Страницата што изминатиов период зачестено се појавува на Фејсбук фидовите на спортските вљубеници во Македонија со името и логото на нашата телевизија е лажна, односно не е официјална“, велат луѓето кои стојат зад проектот „Арена спорт Македонија“.

извор

Бразил со рекордна плата го блиндираше Анчелоти

8 април 2026

Шеесет и шест годишниот трофеен стручњак потпишал нов договор со Бразил кој го задржува до клупата на кариоките дури до 2030-та година.
Бразилската фудбалска репрезентација била воодушевена од работата на Карло Анчелоти па со цел да му покажат колкава доверба имаат во него му дале нов договор вреден огромни 10 милиони евра годишно, до 2030-та година, соопштил бразилски ЕСПН.
Со оваа плата Карло Анчелоти ќе стане најскапо платениот селектор на светот.
Италијанскиот тренер кој со голем успех ги водеше Парма, Милан, Јувентус, ПСЖ, Баерн Минхен, Челси и Реал Мадрид, сега го чека Светско првенство 2026 со Бразилците кои во група се со Мароко, Хаити и Шкотска. Сите натпревари Бразил ќе ги игра во САД.
Анчелоти седна на клупата на најтрофејната репрезентација на светот во мај 2025-та година и обезбеди пласман на Мундијалот после еден месец. Тој забележа триумф 1-0 против Парагвај а минатата недела во пријателски средби ја победи Хрватска (2-1) и загуби од Франција (1-3).

извор