Миленко Неделковски: До крај на април ќе се одблокира сметката на Вардар

„Вардар со години, сигурно една деценија е пљачкан, направени се огромни трошоци и блокади. Моменталниот долг е 4,5 милиони евра. Наследив второлигашки играчи и лимитирани стручни штабови. Мислам дека до крај на април ќе се одблокира сметката. Вардар ќе има сериозен буџет за Македонија, но не и за регионот, а тоа се 3,5 до 4 милиони евра годишно“.

„Заедно со спортскиот директор Иван Ивановски ги набавивме сите играчи кои ги побара Гоце Седлоски како тренер. Сè што е потребно обезбедив. Донесовме многу сериозен стручен штаб. Jа купивме сета потребна опрема, за мерење, скокање, трчање, издржливост, брзина, скокови. Една банка не должиме никому. Целта е опстанок“, вели директорот на ФК Вардар, Миленко Неделковски во гостување на МТВ.