- Маркетинг брендот Конор МекГрегор се сруши, откако пет продавници одлучиле да ги повлечат своите производи со ликот на славниот борец на УФЦ.
- Истиот чекор го повлекла и групацијата BWG Foods, а името или сликата на МекГрегор објави дека повеќе нема да го користи и сопственикот на Proper No 12 Whisky.
- Ова се случува откако Ирецот е осуден за силување на Никита Ханд во 2018 година, на која треба да и плати оштета од речиси 250.000 евра.
Photo: Epa images
- Премиерот Христијан Мицкоски и министерот за спорт Борко Ристовски денес во Владата ја примија македонската ракометна селекција. Министерот Ристовски соопштил дека ракометарите добиваат зголемена премија односно од ветените 2 милиони денари, од министерството за спорт преку Владата ќе добијат вкупно 3 милиони денари.
- Оваа премија е награда за одличните настапи на Светското првенство кое се одигра во јануари во три земји. Македонските ракометари сега ги чекаат квалификациски натпревари против Словенија. Прво во Скопје на 12-ти март а четири дена подоцна во Копер.
- Прославениот хрватски скијач Ивица Костелиќ во понеделникот вечер близу црногорскиот приморски град Улцињ бил спасен во морето откако него и еден француски државјанин со кого возеле кајак, ги одувал ветер и страшни високи бранови.
- Костелиќ и Французинот биле извлечени од морето после неколку часа по интервенција на црногорската морнарица со патролни чамци за брза интервенција и со хеликоптерска поддршка.
