Offside › Набрзинка

ФФМ контра Инфантино

19 август 2026

„По состанокот на претседателите на членките на УЕФА со претседателот и Извршниот комитет на УЕФА, Фудбалската федерација на Македонија донесе одлука да ја повлече својата поддршка за кандидатурата на Џани Инфантино за реизбор за претседател на ФИФА за периодот 2027–2031 година.
Одлуката е донесена по внимателно разгледување на неодамнешните случувања и начинот на кој се води ФИФА, особено во делот на доброто управување, институционалниот интегритет и транспарентноста во односите со националните федерации.
ФФМ смета дека довербата, отчетноста и отворениот дијалог мора да бидат темел на управувањето со светскиот фудбал. Најдобрите интереси на фудбалот и неговиот развој, секогаш мора да бидат на прво место“, стои во дел од соопштението на ФФМ.

Во ФИФА уште траат потресите, си замина оперативниот директор

извор

Во ФИФА уште траат потресите, си замина оперативниот директор

18 август 2026

ФИФА објави дека главниот оперативен директор Кевин Ламур ја напуштил организацијата, неколку недели откако го критикуваше планот на Џани Инфантино да продаде удел од комерцијалните права за Светското првенство и другите турнири.
Ламур стана дел од раководството на ФИФА во ноември 2024 година, откако претходно беше дел од внатрешниот круг што водеше кампања за изборот на Инфантино за претседател во 2016 година.
Но, тој го критикуваше предлогот на неговиот близок соработник минатиот месец, велејќи дека луѓето во ФИФА бил „измамени“ околу планот и опишувајќи го како „проект на едно лице“.
Оставка во знак на протест против предлогот претходно поднесе и високиот советник на Инфантино, Карлос Кордеиро, нарекувајќи го „лош договор за фудбалот“.
Инфантино истиот ден го повлече предлогот, но последиците уште траат.

извор

По големата ѕвезда на Ливерпул и голема ѕвезда на Манчестер Јунајтед оди во Турција?

18 август 2026

Триесет и едно годишниот капитен на Манчестер Јунајтед и репрезентативец на Португалија Бруно Фернандеш добил страшна понуда од турскиот шампион.
Англиските медиуми пишуваат дека Галатасарај му понудил на Бруно плата од 20 милиони евра годишно но дека тој за сега сака да остане во Манчестер Јунајтед и да отвори преговори за нов договор. Сегашниот му истекува на лето 2027-ма, односно за 12 месеци. На Јунајтед останува или да проба да го продаде и да заработи или да му го продолжи договорот по подобри услови.
Бруно Фернандеш има излезна клаузула во вредност од 65 милиони евра што била отворена само за странски клубови но веќе истекол нејзиниот рок летово.
Минатата година Ал Хилал од Саудиска Арабија го бараше Бруно но тој ги одби.
Турските клубови се права сензација летово: Трабзонспор го доведе Мохамед Салах за рекордна плата од над 19 милиони евра годишно, Фенербахче потпиша договор со Ромелу Лукаку а астрономски договор доби и Србинот Душан Влаховиќ кој од Јувентус отиде во Бешикташ. На потег ли е Галатасарај?

извор