Offside › Набрзинка

Езекиел Лавеци во лоша состојба и зависност од наркотици

15 јануари 2024

Некогашната голема ѕвезда на Наполи, ПСЖ и репрезентацијата на Аргентина, центарфорот Езекиел Лавеци (38) веќе извесно време имал сериозни психолошки проблеми.
Пред неколку денови рекол дека слуша разни гласови во главата, го нападнал и својот брат со нож после што бил хоспитализиран на клиниката „Санаторио Кантегрил“ во Монтевидео. Во извештајот на медицинските службеници било заведено дека Аргентинецот кој блескаше во Наполи и ПСЖ имал сериозна повреда на рамето кога го однеле.
Лавеци во 2019-та ја заврши кариерата како играч на кинескиот Хебеи Чајна Форчун. Освои три шампионски титули со ПСЖ и Куп на Италија со Наполи.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.