Offside › Набрзинка

Дојде крајот на легендарните Панини на Светско

15 мај 2026

Панини компанијата од Модена која произведува албуми со сликици од Светското првенство 1970 година, ја завршува традицијата во 2030-та. Мундијалот во Саудиска Арабија ќе им биде последен.
ФИФА потпиша долгорочен договор со американската компанија „Фанатикс“, во сопственост на брендот за колекционерски предмети „Топс“, кој ќе ги произведува албумите за натпреварувањата на ФИФА од 2031 година. Истата компанија веќе произведува колекционерски предмети за УЕФА, заменувајќи го Панини во 2024 година.
За генерации деца низ цел свет, албумот Панини со налепници од Светското првенство беше дел од турнирот исто како и самите натпревари. Мирисот на свежо пакетче, ритуалот за проверка на дупликати, френетичното менување во маало и по училишните ходници, вечната потрага по последната невозможна налепница. Сè беше Панини.

Панини албумот за Светско колку Стокец на старо

извор

Гибралтар, Сан Марино и Македонија, тие сме

29 јули 2026

На рангирањето на УЕФА, Македонија е во група од седум земји кои моментално останаа само со еден претставник во Европа.
Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.

извор

Сагата конечно заврши: Италија има нов-стар селектор

28 јули 2026

Легендарниот Роберто Манчини повторно ќе седне на селекторското столче на Италија откако денес се договорил со првиот човек на Фудбалската федерација на оваа земја, Џовани Малаго.
Првично откако Паоло Малдини и Леонардо добија функции во италијанскиот фудбалски сојуз, овие двајца го сакаа Андреа Пирло за нов селектор. Претседателот на федерацијата Малаго категорично го одбил тој предлог после што двајцата после само 16 дена заминале од функцијата зошто „зборот не им вредел“.
За нов технички директор е назначен Клаудио Раниери.
Роберто Манчини за некој ден ќе биде претставен како нов селектор на Италија. Тој веќе ги водеше аѕурите и им донесе европска шампионска титула во 2021 во епското финале против Англија на „Вембли“. Тој беше тренер и на Лацио, Интер, Галатасарај и Зенит а ја водеше и селекцијата на Саудиска Арабија.

извор