- Грчката јавност е згрозена од убиството на младиот 29-годишен Михалис, симпатизер на АЕК Атина во нередите кои ги предизвикале хрватските навивачи на Динамо Загреб доцна синоќа кај стадионот на грчкиот шампион.
- И покрај силните притисоци од грчкиот клуб двомечот да не се одигра и Динамо З. да биде исфрлен од еврокуповите, УЕФА им прогледува низ прсти на „модрите“ и за сега нема да им изрече таква казна, со голем услов дека при првиот најмал следен инцидент ќе летаат од Европа. Динамо и АЕК ќе играат најверојатно прво во Загреб на 15-ти август а неколку дена подоцна реванш во Грција.
- Хрватските медиуми пишуваат дека Динамо не сноси никаква одговорност затоа што не продавал карти за свои навивачи за овој меч во Атина, не организирал никого таму да гостува и дека строго се оградува од страшните настани во грчката престолнина.
- Министерството за спорт првично доставило документ до Општина Карпош дека ѝ се одзема салата „Партизан“ во населба Карпош 4 и дека од сега па натаму Министерството за спорт ќе управува со неа. Градоначалникот на Општина Карпош Стевчо Јакимовски во меѓувреме изјави:
- „Без никаква причина само од ќеиф ја одземаат, за да ја употребат за нивни бизнис интереси. Ним не им се важни граѓаните, важни им се бизнис интересите на Борко Ристовски.
- Од Министерство за спорт стигна брз одговор: „Упатуваме јасна порака до градоначалникот Јакимовски да не се обидува да ја прекрие својата неспособност да управува со спортската сала со некакви „протести“ и изјави кои изобилуваат со навреди.
- Дали е вистина дека веќе има договорено со нему блиски луѓе да им бидат дадени простории во салата? Граѓаните треба да знаат зошто една готова, реконструирана сала за 1,3 милиони евра цела година стоела затворена?“, стои во соопштение на Министерство за спорт.
- Еден од најдобрите фудбалери на светот, Килијан Мбапе го пропушти почетокот на Светско клупско првенство затоа што бил хоспитализиран поради потежок вид на гастроентеритис.
- Мбапе минатиот четврток беше пуштен од болница, конечно заигра фудбал на СКП против Јувентус и Борусија Дортмунд против која постигна гол, а сега се очекува да биде стартер во полуфиналето против неговиот доскорешен клуб ПСЖ.
- Л'Екип пишува дека Килијан Мбапе имал бактериска инфекција предизвикана од пилешко. Во само неколку дена Мбапе изгубил шест килограми а тоа се виде и на теренот на Светско клупско првенство.
