Чудни работи во Панатинаикос, Папапетру го претепал Кендрик Нан кој завршил во болница
2 декември 2024
- Нема официјална потврда, но грчките медиуми тврдат дека во Панатинаикос се случило нешто многу сериозно. Европскиот шампион кој лани блескаше а годинава игра топло-ладно под водство на Ергин Атаман се наоѓа во голем потрес.
- Наводно Јоанис Папапетру, грчкиот репрезентативец и поранешен играч на Партизан, пред дуелот со Маруси физички го нападнал лидерот на екипата и најзаслужен за европската титула Американецот Кендрик Нан кој подоцна завршил во болница.
- Папапетру е веднаш исфрлен од екипата, суспендиран на неопределно време. Тренерот Ергин Атаман само кратко изјавил дека „Папапетру е отстранет од тимот по колективна одлука заснована на внатрешни правила не по директива од стручниот штаб“.
- После два порази по ред во Евролига, ПАО сега го чека тешка недела и дуели со Барселона во вторник во Атина и со Партизан во четврток во Белград.
