- Спортските директори на Челси, Пол Винстенли и Лоренс Стјуарт на средба со италијанскиот тренер Енцо Мареска во шпанското монденско место Марбеља договориле Италијанецот да стане нов предводник на сините.
- Челси остана без тренер откако беше отпуштен Маурисио Почетино. Со доаѓањето на новиот сопственик после Абрамович, Американецот Тед Боели кој вложи повеќе од 1 милијарда фунти за нови засилувања, Челси не одигра речиси никаква улога во борбата за трофеи во претходните неколку сезони.
- Енцо Мареска на убедлив начин го врати Лестер Сити во Премиер лига откако лани испаднаа во втора лига Чемпионшип. Договорот на Мареска со Челси ќе важи до летото 2029-та година а тој би требало да заработува повеќе од 10 милиони евра годишно. Италијанецот пред Лестер Сити му беше помошник на Пеп Гвардиола во Манчестер Сити.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
