- Нема повеќе карти за ракометното дерби меѓу Еурофарм Пелистер и Вардар. Се распродадоа онлајн за рекордни 7 минути.
- Големите ривали се среќаваат во салата „Боро Чурлевски“ во сабота со почеток од 18 часот, во присуство на двете навивачки групи Чкембари и Комити.
- Правдата ќе ја делат најдобрите македонски судии Ѓорѓи Начевски и Славе Николов, а делегати-контролори ќе бидат Марјан и Драган Начевски.
- Случајот со Манчестер Сити е за изучување на школите за спортска педагогија и психологија во спорт. Од апсолутно доминантен тим кој палеше и жареше насекаде, наеднаш западнаа во криза од која не знаат да излезат.
- На последните 10 натпревари Манчестер Сити забележа дури 7 порази, имаше само 1 победа и две нерешени.
- Пеп Гвардиола за првпат се соочува со ваква неверојатна криза во тренерската кариера и самиот признава: „Дали понекогаш губам глава? Да. Спијам полошо и не ми се вари храната како што треба. Морам да јадам цело време лесна храна. Јадам супа навечер“.
- Да, да, до толку е шокантно ова што му се случува на Манчестер Сити, до скоро освојувач на историска триплета (титула во Премиер лига, ФА Куп и Лига на шампиони).
- Некогашниот селектор на Кина Ли Тие (47) е најпознато име од 20-ина лица осудени за проневери, мито и корупција во спортот.
- Ли Тие кој на времето играше и за англиски Евертон во Премиер лига, е осуден на 20 години затвор во Кина затоа што по сопствено признание од јануари 2020-та до декември 2021-ва земал мито за да дели репрезентативни повици. Во петокот бил осуден во судот во провинцијата Хубеи.
- Според истрагата тој земал повеќе од 16,5 милиони долари мито за места во репрезентациајта. Наводно дал и 421.000 долари за да стане селектор и учествувал во местење натпревари во кинеската Супер Лига.
