- Арсенал одново и одново игра сјајно во текот на една сезона, но речиси секогаш низ годиниве подоцна како да снемува „гориво“ и малку подзастанува.
- „Топџиите“ сега имаат четири триумфи во низа во Премиер лига со кои го потврдија првото место на табелата и имаат +4 бода предност во однос на најголемиот ривал за титулата, Манчестер Сити.
- Арсенал го следи едно „проклетство“ а тоа е дека никогаш во историјата не стана шампион кога на Нова година бил прв на табела.
- „Не сум знаел за тој податок, но очигледно е време таа приказна да заврши. Задоволни сме со нашата позиција, но знаеме дека секогаш може подобро. Се уште имаме пет месеци борба пред нас и многу предизвици“, изјави Микел Артета пред денешното гостување кај Борнмут (18:30) во рамки од 20. коло на Премиер лига.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
