22-годишниот Теренс Рос е новиот шампион во забивања во НБА. Кошаркарот на Торонто Репоторс во финалето на натпреварот во Хјустон со 58% од гласовите беше подобар од минатогодишниот освојувач Џереми Еванс.
Титулата за најдобар тројкаш ја понесе Кајри Ирвинг кој во финалето погоди дури 23 тројки и беше блиску до рекордните 25 на Џејсон Капоно.
Во првата рунда тројцата шутери од Западот со 54 наспротив 45 поени беа посупешни од Истокот, а во втората рунда шутираа најдобрите од конференциите - Мет Бонер од Западот и Ирвинг од Истокот.
Во натпреварот "Shooting stars", четири тима се натпреваруваа од шест различни позиции на теренот, а најуспешна беше екипата предводена од Крис Бош.
Победник на натпреварот за вештини беше Демиен Лилард од Портланд кој полигонот со пречки го помина за 29,8 секунди.