Тепачки, бакљи, водени топови, пожари, прекини... натпреварот помеѓу Црвена Звезда и Партизан имаше се што му е потребно на едно вистинско дерби помеѓу лути градски ривали (за разлика од на пример дербито на Манчестер). Токму затоа и Англичаните го нарекоа најлудото дерби на светот. Како помина 145-то дерби помеѓу Звезда и Партизан во 100 секунди.

Спортскиот директор на Њукасл, Џо Кинер дава максимум од себе за да стане најомразената личност во фудбалот. Тој заслужено го доби нашето признание за офсајд лик откако сакал да купи играч кој веќе е член на Њукасл.

Екипата на Ал Кувајт триумфираше во финалето на АФЦ купот благодарение на одличното издание на Бразилецот Рожерињо.

Еден од најдобрите голови овој викенд беше постигнат во англиската трета лига, а мајсторот е Џо Џејкобсон од Шрусбери Таун кој ја скина мрежата на Шефилд Јунајтед со проектил од 30 метри.

Нашиот херој на денот се вика Тиери Фиџу и настапува за австрискиот второлигаш Хорн. Фудбалерот од Екваторска Гвинеја остана без копачка, но тоа не го спречи да продолжи да игра и даде гол и тоа со петица.

Додека некои наши клубови ги водат личности кои се нашле на функција само заради партиски заслуги, на запад на челните функции се луѓе кои израснале со клубот. Таков е примерот со претседателот на Ајнтрахт Фракнфурт кој во минатото бил водач на ултрасите.

Редовниот преглед со најдобрите десет голови од изминатите седум денови, помеѓу нив и лобот на Санчез со кој го реши Ел Класико.

Не е на одмет малку глупирање и кај фудбалерите кои не можат да се пофалат со многу слободно време за приватен живот. Мобилниот телефон во соблекувалната на ПСЖ си го заборавил Лавеци, но тој потоа го постирал видеото на инстраграм со молба Адриен Рабион, Мај Мори и Мајк Магнан да не бидат отпуштени.

Вечерва во Шпанија ќе се одигра градското дерби помеѓу каталонскиот гигант кој секој го знае и невидливиот тим кој секогаш е во сенка на својот поголем брат: Барселона - Еспањол.

Со вчерашната минимална победа над Киево фудбалерите на Рома стигнаа до десеттата победа во низа и со тоа го срушија рекордот на Јувентус, но тоа не е најдобар старт во италијанското првенство.

Делегација на Фудбалскиот сојуз на Хрватска смрзна при посетата на Исланд па на своите навивачи им порачаа да си облечат ѕиври.

За Феличе Наталино во годината кога Бенитез го водеше Интер, се зборуваше дека се работи за млад фудбал со голем просперитет и амбиции, но за жал ова талентирано момче се прости од играње професионален фудбал на само 21 година поради проблеми со срцето.

Тинејџерот од екипата на Челси до 16 години, Мухтар Али успеа да го измами голманот на Реал Мадрид со гол од околу 40 метри на натпревар со кој младинците на англискиот тим освоија меѓународен турнир минатата недела.

Екипата чиј што тренер пред четири години се соблече на стадион откако избори опстанок во лигата, предводена од истиот тој тренер сега се наоѓа на чекор до историска титула во првенството на Норвешка.

Екипата на Свонси до 18 години демонстрираше што е тоа тимска игра. На натпреварот против Лидс тие постигнаа гол по 32 додавања, а притоа сите 11 фудбалери беа вклучени во акцијата, па дури и голманот.

Фудбалерите на Рома имаат многу причини за славје. Не само што по подолго време се неприкосновени лидери во Серија А, туку и го срушија рекордот на Јувентус со 10 победи на почетните 10 натпревари.

Босанците исто како и нас не можат да се пофалат со некоја силна и квалитетна фудбалска лига, но додека во македонското првенство градските дербија се играат среде бел ден со скромна навивачка атмосфера и неколку стотици гледачи, таму таквите натпревари се рамни на религија.

Најефикасен меч на синоќешните натпревари од Серија А беше оној помеѓу Ливорно и Торино кој заврши 3:3, а најубав гол на колото дефинитивно е бомбата на Ливорно која ја испука Бразилецеот Емерсон.

Рома сезонава ја изненади целата спортска италијанска јавност со маестрален старт во Серија А од девет победи на девет меча, но уште повеќе изненади изјавата на градоначалникот на Рим во случај „Римската волчица" да слави на крајот.

Нов продукт во официјалните продавници на Борусија Дортмунд е дрес на Марио Геце прелепен со името на Мхитарјан.

По вчерашниот роденден на Марадона, еден друг фудбалски великан денеска ќе дува свеќи. Се работи за легендата на холандскиот фудбал Марко ван Бастен кој денеска полни 49 години. Најдобро од него за дресот на Ајакс, Милан и холандската селекција во фантастично 5 минутно видео.

Легендарниот Фабрицио Раванели кој е тренер на францускиот прволигаш Ажаксио наседна на глумата на својот фудбалер Гаџи Тало и по грешка го замени напаѓачот кој само се фолирал за да задржи време.

Рикардо Кака уште еднаш покажа дека е голем мајстор. Тој го постигна својот прв гол по враќањето во Милан и тоа не обичен гол, туку вистинско ремек дело. Сепак неговиот гол не беше доволен за победа на Милан и неговиот тим одигра 1:1 против Лацио.