Малезискиот малер не го виде Евертон

Еден навивач на Евертон од Малезија кој 30 години навива за клубот, го помина пола свет и пристигна во Англија за прв пат во својот живот да ги гледа своите миленици, но натпреварот со Кристал Палас му го одложија заради невреме.

Запознајте го Рик Ви - најголемиот малер на светот. Малезиецот 30 години навива за Евертон и конечно нашол време и пари за да отпатува за Англија и во живо да може да проследи еден натпревар на своите миленици.

Тој поминал повеќе од 11.000 километри и вчера пристигна во Ливерпул за натпреварот против Кристал Палас. Негова прва дестинација беше Гудисон Парк по што возбудениот Малезиец се пофали на својот Твитер профил.

Но Рик доживеал голем шок на 45 минути пред почетокот на натпреварот кога заради силното невреме и неколкуте оштетени објекти во околината, официјалните лица решија да го одложат дуелот против Кристал Палас.

Сепак оваа сторија има и среќен крај. Приказната за малерот од Малезија бргу се прошири на социјалните мрежи, а Евертон покажа дека е голем клуб кој знае како треба да ги третира своите навивачи.

Вработените во клубот бргу го пронајдоа Малезиецот и го одведоа во хотелот каде беа сместени фудбалерите и тој имаше шанса да се сретне со играчите и тренерот Мартинез, а си доби и неколку подароци од клубот.

13 февруари 2014 - 08:52

Штета ако сте пропуштиле

Осветување, бугарски стил

"Лајковите" не спасуваат животи

Со лажица против несаканиот брак

Препишана смрт