Средниот дел од табелата во Серија А воопшто не му прилега на клуб како Милан кој е еден од најтрофејните во Италија. Но на слабите резултати им претходат внатрешни проблеми и поделби на табори, од едната страна ќерката на Берлускони, од другата потретседателот Адријано Галијани.

Еден Азар, Ромелу Лукаку, Симон Мињоле и Насер Чадли им помагаа на среќни навивачи како дел од акцијата на Фудбалската федерација на Белгија за приближување на репрезентацијата и фановите.

Фудбалската династија Зидан се чини дека нема крај. Откако по стапките на својот татко тргнаа тројца негови деца, академијата во Реал се прошири со уште еден млад член од семејството на славниот татко кој во моментов му е асистент на Карло Анчелоти.

Мора да се одбележи денот кога се родила една ваква легенда. Диего Армандо Марадона денес полни 53 години, а ако имате вишок од 52 минути, потрошете ги на оваа видео компилација со неговите 120 најдобри голови.

Понесени од редовните акробации на многу фудбалери, неодамна направивме листа на најдобри голови со ножички. Но изгледа дека ќе треба почесто да ја прошируваме. Вчера имавме бразилски мајстор во Хонг Конг, а најновата атракција е дело на Франк Џа Џеџе од Брегот на Слоновата Коска кој погоди за украински Черноморец.

Цел Исланд со нетрпение го очекуваше стартот на продажбата за историскиот бараж натпревар против Хрватска, но кога утрово се разбудија, влезниците веќе беа распродадени. Скандалозната продажба на интернет започнала во 4 часот наутро.

Хорор приказна од Бразил, земјата домаќин на следното Светско првенство. Поранешниот фудбалер Жоао Родриго бил брутално убиен, а отсечената глава била испорачана на неговата сопруга.

Некои фудбалери не се задоволуваат со пензија на 35 години како на пример францускиот голман Фабијан Бартез. Во 1998 година со селекцијата на Франција стана светски шампион во фудбал, а денеска сите медиуми пишуваат за неговата титула во ГТ моторспорт.

Манчестер Јунајтед, Реал Мадрид, Лос Анџелес Галакси, Милан, ПСЖ па пензија. Дејвид Бекам играше само во големи клубови, но правеше и големи договори со модните куќи за многу пари. За тоа време имиџот го менуваше како чорапи.

Судот во Рим им одреди вкупна 10 годишна затворска казна на двајца навивачи на Рома кои беа дел од групна тепачка со фанови на Тотенхем.

И во Хонг Конг видоа во живо атракција со ножички. Делото го стори Полскиот напаѓач Талес Шутц кој е роден во Бразил и кој имаа чест да го видат 690 навивачи.

Голови, голови и само голови, тоа најмногу се бара во фудбалот. Најнепопуларниот резултат 0:0 по 90 минути гледање ниту еден навивач не го сака. Серија А досега сезонава може да се пофали со повеќе голови од Премиер лигата и Лига 1 и со само пет натпревари без затресени мрежи.

Екипата на Болоња имаше очаен старт на сезоната и по осум одиграни натпревари беше закована на дното на табелата во Серија А. Но нивните навивачи покажаа што е верност и како треба да се бодри својот клуб, па илјада од нив ги поздравија на тренингот на ден пред неделниот натпревар со Ливорно.

Претседателот на ФИФА, Сеп Блатер беше гостин на универзитетот Оксфорд каде говореше на разни фудбалски теми и малку „одлепи“. Меси го прекрсти во Леонард и тоа два пати, Златан во Ибрамовиќ, а на крајот го имитираше Кристијано Роналдо.

Секој тренер посакува да има што повеќе стандарни првотимци на кои може да смета на секој меч и кои се практично костурот на екипата. Тоа се всушност фудбалери кои играат во константно добра форма и кои ретко завршуваат на клупата за резервни играчи. Еве дел од нив во италијанското првенство.

Иако има 77 години и веќе подолго време е во пензија, Андон Дончевски на денешниот ревијален меч не седеше мирен на клупата, туку постојано им наоѓаше забелешки на фудбалерите, им делеше совети и размислуваше само на победа. 

Со ревијален натпревар помеѓу првиот национален фудбалски состав предводен од селекторот Андон Дончевски и микс од познати пензионирани репрезентативци кои денеска ги водеше Васил Рингов, ФФМ ја одбележа 20 годишнината од првиот официјален меч на Македонија.

Андрос Таунсенд од Тотенхем по овој брз спринт по се изгледа дека немаше начин како да закочи. Тоа го чинеше опасен пад надвор од теренот и ситна повреда, но најлошо мина фоторепортерот кој доби копачка во глава.

Маскотата на англискиот второлигаш Барнли заработи црвен картон од судијата на натпреварот против КПР.

Роберт Пирес и Тиери Анри се „прославија" во 2005-та година со неуспешниот обид за копија на пеналот на Кројф, а уште понеуспешна копија имаа двајца фудбалери на австриски нисколигаш.

Навивачите на Порто нападнаа група на гостински навивачии пред дербито против Спортинг Лисабон по што повредени се 48 луѓе.

Откако го зголеми бројот на репрезентации на Европското првенство, претседателот на УЕФА сака да го прошири и Светското првенство и наместо 32 на Мундијалот да настапуваат 40 национални тимови.

Голманот Оливер Бауман наместо да се докаже пред селекторот Јоаким Лев кој го следеше на натпреварот помеѓу Фрајбург и Хамбург, се истакна со три кикса по кои неговиот тим загуби на домашен терен со 0:3.

Дариуз Трела од полската екипа Пјаст Гливице покажа како треба да се чува голот со сите сили. Откако непотребно го напушти својот гол, ја исправи грешката на најборбен начин и успеа да му извади бод на својот тим против Лехија Гданск.