Бразилците се раѓаат и умираат со топката, а некои од нив кога ќе почнат со професионална кариера се ненаситни кога ги полнат мрежите. Легендарните Пеле и Ромарио стигнаа до маестралната 1000-ка која сега ја достигна и Тулио.
44 годишниот напаѓач кој се занимава и со политика најдрагоцениот погодок го постигна од пенал за ниско лигашот Араксар кој славеше на средбата против Маморе со 2:1, но триумфот беше во втор план.
Главниот момент на мечот беше неговиот гол по кој следуваше огромно славје како за шампионска титула, а Тулио им се заблагодари на сите присутни и изјави дека сака да постигнува уште голови.
