Спарси за Герет Бејл се побунија кај Платини

На навивачите на Тотенхем веќе им здодеа нивниот миленик да биде топ тема во овој летен преоден рок. Медиумите се изнапишуваа за неговиот евентуален транфер во Реал Мадрид, па потоа Зидан изјави дека неговата вредност е 100 милиони евра, а последната вест е дека тие пари е подготвен да ги потроши за него и ПСЖ.

Поради многуте натписи, на Спарси им дојде преку глава па испратија писмо до претседателот на УЕФА и побараа да им каже на челните луѓе на Кралскиот тим да престанат да зборуваат за него и да кројат тактика за да го купат. Меѓу другото тие го прашаа Мишел Платини како може Реал Мадрид да потроши 85 милиони фунти за еден играч, а истовремено да ги исполнува условите кои се налагаат со финансискиот фер плеј.