Минатиот месец беа соопштени имињата на 23 кандидати за најпрестижната годишна награда на ФИФА, а за најдобрите фудбалери гласаа капитените и селекторите на сите репрезентации. Најмногу гласови добија Кристијано Роналдо, Андрес Иниеста и Лионел Меси.
Роналдо го освои признанието во 2008-та година, по следеше три-годишна доминација на Лионел Меси. Иниеста заврши на втората позиција на изборот во 2010-та година.
Кој ја заслужува Златната топка оваа година? Гласајте тука.
Освен тројцата најдобри, на денешната прес конференција беа соопштени и имињата на 55 фудбалери кои влегоа во конкуренција за изборот на најдобар тим во 2012-та година.
Номинирани за најдобри тренери на годината се Висенте Дел Боске, Пеп Гвардиола и Жозе Мурињо.
Во финалето за изборот на Пушкаш наградата за најдобар гол влегоа головите на Радамел Фалкао, Нејмар и Мирослав Стох.
За најдобра фудбалерка во 2012-та година беа номинирани Бразилката Марта, Алекс Морган и Аби Вомбах од САД.
Освојувачите на признанијата ќе бидат прогласени на свеченоста која на 7 јануари ќе се одржи во Цирих.
