Ривалството им потекнува од играчките денови

Две фотографии поврзани со вчерашната драма на Алијанц арена кои не вратија во шпанскиот фудбал од 90-те. Багажот кој го носат овие две славни тренерски имиња од кариерата како играчи е само факт, но не и помагало за тоа кој кого ќе надмудри со тактика. Ел Чоло е човек за респект кој сезонава во Лига на шампиони успеа да им пркоси и да ги елиминира Барселона и Баерн Минхен, екипи кои сигурно многу фудбалски аналитичари ги гледаа во финале.

Диего Симеоне беше играч на Атлетико Мадрид во два наврати (1994–1997) и (2003–2005), а Пеп Гвардиола беше член на Барселона 11 години (1990–2001). Пеп vs Диего во трофеи како играчи на овие екипи е 16:2, но во финале отиде Симеоне кој ќе игра второ финале во ЛШ како тренер на Атлетико, а Гвардиола со Баерн три сезони по ред се сопнува во полуфинале.

Муабетот ни е дека фудбалот станува многу повозбудлив со мечеви како синоќешниот во Минхен и понеизвесен со приказни како Лестер и Атлетико Мадрид кои не се фаворити за трофеи само на хартија.