Во нокаут фазата на Лигата на шампиони се квалификуваа 16 екипи од 9 различни држави. Првопласираните екипи од групната фаза на првите натпревари им гостуваат на второпласираните, а во осминафиналето не можеа да бидат извлечени екипи од иста држава и екипи кои се сретнале во групата.
На патот до финалето на Вембли на 25 мај, уште во осминафиналето ќе бидат елиминирани неколку гиганти. Во нокаут фазата ќе се сретнат Мурињо и Фергусон, а на Олд Трафорд ќе се врати Роналдо. Во реприза на минатогодишното четвртфинале ќе се сретнат Милан и Барселона, а финалистот Баерн Минхен ќе игра со Арсенал. Најлесен противник доби Јувентус кој во осминафиналето ќе игра против Селтик.
На полудиригираната ждрепка беа извлечени следните парови:
Галатасарај - Шалке
Селтик - Јувентус
Арсенал - Баерн Минхен
Шахтар - Борусија Дортмунд
Милан - Барселона
Реал Мадрид - Манчестер Јунајтед
Валенсија - ПСЖ
Порто - Малага
Првите натпревари ќе се одиграат на 12, 13, 19 и 20 февруари, а реваншите се закажани за 5, 6, 12 и 13 март.
