Навивач без памет, со нож им влета на фудбалерите на Палмеирас

Мислевме дека најлудата поддршка викендов ја приредија навивачите на Милан. Ама таму описот „најлуда“ ни е во фигуративна смисла. Вистинскиот лудак се наоѓа во Бразил и после ова не треба повеќе никогаш да го пуштат на стадион.

Хаотичните сцени ни доаѓаат од натпреварот меѓу Сао Паоло и Палмеирас и тоа на дуел меѓу младинските екипи.

Го прекинаа откако една дилајла влета на терен со нож, кој подоцна ќе се најде во рацете на судијата, кој за момент мораше да го прекине мечот.

Будалиот им се закани на играчите на Палмеирас на доста ризичен начин, па на помош да го спречат влетаа и фудбалерите на Сао Паоло.

За среќа инцидентот заврши без повредени и играта потоа продолжи, а полиција треба да открие како овој нож завршил на стадион, односно кој му извршил претрес на мајмунов.

Cenas tristes na #Copinha2022... Torcedores com o uniforme do São Paulo e com faca invadiram o gramado e partiram pra cima dos jogadores do Palmeiras! pic.twitter.com/dzNOCmAExk
— TNT Sports Brasil (@TNTSportsBR) January 23, 2022