Голманот Томе Пачовски го одигра целиот натпревар за Мехелен и загуби со 2:3 од Зулте Варегем, а стрелец на вториот гол беше Александар Трајковски кој во игра влезе во вториот дел.
(голот на Трајковски на 2:52)
Бобан Грнчаров ја продолжи одличната форма со Ботев Пловдив. Минатата недела тој беше стрелец на еден од головите при победата од 2:0 на дербито против Левски, а овој викенд тие победија на гостувањето кај Черноморец.
Втора недела по ред Мајнц чиј столб на одбраната е Николче Новески, ја сочувува својата мрежа. Минатото коло тие го совладаа Баер Леверкузен со 1:0, а оваа недела одиграа без голови на гостувањето кај Хофенхајм.
Дури 4 кола по ред, екипата на Партизан не прима гол, а стандарден по левата бековска е Александар Лазевски.
Радува и фактот што по скоро 4 месеци пауза на терените се врати и Даниел Георгиевски кој минатата недела влезе во игра во 52-та минута за Стеауа.
Еден од двајцата фудбалер од домашното првенство, Остоја Стјепановиќ, 2 кола по ред се запишува во листата не стрелците. Минатото коло тој постигна прекрасен гол против Шкендија, а викендов стрелаше од белата точка против Металург.
Дарко Тасевски во вторникот одигра натпревар од израелскиот куп и асистираше при победата од 1:3, а викендов неговиот тим загуби на домашен терен од Хапоел со 0:1.
Никола Глигоров со кипарскиот тим Алки минатото коло го победија Неа Саламис на Арменд Алими, а викендов славеа со 0:3 на гостувањето кај Аја Напа.
Горан Пандев конечно го прекина постот од 5 мечеви и постигна третиот и решавачки гол за Наполи при победата од 3:2, над Аталанта, а тој беше и асистент на голот за 2:1 на Кавани.
(асистенцијата на Пандев на 1:05 и голот на 2:35)
Марибор на Агим Ибраими викендов загуби од Домажале со 1:3, а во средата победи на гостувањето кај Рудар со 0:3. Нашиот интернационалец асистираше за вториот и беше стрелец на третиот гол.
(асистенцијата на Ибраими на 2:39 и голот на 2:55)
Адис Јаховиќ беше џокерот на Цирих на гостувањето кај Сервет. Тој влезе во игра во 84-та минута и го постигна победничкиот гол за конечни 1:2.
(голот на Јаховиќ на 2:10)
