Феноменалните паради на Мамардашвили кој историјата ја славеше во допинг собата

Квича Кварацхелија е најславното фудбалско име во селекцијата на Грузија. Но таму се крие уште еден јунак, кој синоќа одигра херојска партија против европскиот првак од 2016-та. Уште едно тешко презиме за изговарање кое треба да се знае. Георги Мамардашвили.

Што ти е фудбалот. Претходното Европско го заверивме преку финале против Грузија и тоа на нивен терен, а сега тие го живеат тоа што го живееме ние пред три години.

Но нивниот успех е уште поголем, бидејќи како дебитанти на ЕП успеаа да ја минат групната фаза и со една победа да се најдат меѓу најдобрите 16 селекции на континентот.

Таму ги чека големиот фаворит Шпанија, најубедливата селекција на овој турнир и единствена со 3 од 3 и тоа без примен гол.

Но како и да поминат со нив, Грузијците веќе си го направија своето и тоа преку големата Португалија.

Ако нивниот Пандев е Кварацхелија, тогаш Димитриевски им е Мамардашвили. Зборуваме за двајцата голмани на Валенсија. Првиот нов член на Местаља од пред две недели, вториот на излезна врата.

Георги Мамардашвили има само 23 години и вреди 35-40 милиони евра, а после изданијата на ова Европско, особено против Португалија, сè поизвезно е дека во новата сезона ќе го гледаме во поголем клуб, веројатно во Премиер лигата.

Блесна со вкупно 21 интервенција од кои 11 против Чешка. Синоќа имаше 5, од кои ќе погледнете 4. Обрнете внимание на второто видео. Прашање е и дали можеби тој требаше да ја добие наградата за играч на мечот, а не Кварацхелија.

А го чувте ли Арапот кога Кварацхелија фати да дрибла?

Грузија ја напиша најубавата бајка на Еуро2024

27 јуни 2024 - 09:10

Штета ако сте пропуштиле

На п’т далечни ја ќе се стегнам

Украинска дефиниција за половно

На мојата душа ѝ се брза

Насловите на Офф.нет како предмет на лингвистичка анализа