Играч на финалето во Ријад беше Давид Нерез кој го отвори мечот со голчиште во 39 минута, а конечните 2:0 ги постави во 57 минута.
Елиф Елмас беше стартер и веќе на шести меч по ред добива шанса од првата минута, после повредата на Де Брујн.
Два пати во Серија А, по еднаш во Купот и ЛШ и сега два пати во Супер Купот во полуфиналето против Милан и финалето против Болоња. Играше до 68 минута, а потоа беше заменет со Ноа Ланг.
Со овој успех, тој стана само втор Македонец после Пандев кој успеал да ги комплетира сите трофеи во Италија: Скудето со Спалети, Куп со Гатузо и Супер Куп со Конте.
Горан Пандев има и Лига на шампиони, а во пензија замина со вкупно 9 трофеи освоени во Италија.
Инаку за Антонио Конте ова е втор трофеј со Наполи, а за претседателот Аурелио Де Лаурентис седми.
Следното издание на италијанскиот Супер Куп, нема да се игра во Саудиска Арабија. Ријад ќе биде домаќинот на Купот на Азија.
