Во Атлетико Мората давал голови за младинците и тренирал со сениорите на Калдерон. Брзо нагло пораснал, од најнизок играч во тимот станал највисок, но станал склон на повреди. Местото во нападот му го зел Борха Гонзалес и Мората решил да замине во Хетафе, клуб од мадридското предградие.
Татко му на Алваро работел во комерцијалниот одел на Cadena COPE, семејството живеело во благосостојба и било добро ситуирано за што зборува и Даниел Ариас тренер на Мората во Хетафе:
„Алваро секогаш беше скромно, симпатично момче. Дури им подаруваше копачки на другарите кои немаа пари".
Заиграл редовно за првиот тим. Во 2008 година со стоперот Серхио Гонзалес заедно потпишаа со Реал Мадрид. Тогаш се остварил сонот на Алваро: Се најде во иста соблекувална со човекот чијшто постер му стоел на вратата.
Две години подоцна, Мората бил на одмор со семејството во Малага кога на дисплејот од телефонот му се појавило името на Жозе Мурињо. „Спремај се за пат на припреми во САД, одиме на турнеја". Претходно играл само за третиот тим на Кралскиот клуб, Реал Мадрид Ц. Дебито за Реал го имаше на 12. декември 2010. година кога во 88' минута го замени Анхел Ди Марија во триумфот од 3:1 над Сарагоса.
Дебитантскиот гол за омилениот клуб (иако Мурињо велеше деке не е спремен) го даде на 11 ноември 2012-та само 60 секунди откако влезе во игра против Леванте и Реал победи 2:1.
Кога Мурињо го викнал за мечот против Валенсија, Мората отишол дома, и однел цвеќе на баба му Кармен која претходно останала без мажот и на сите дома им дал карти за мечот. Сите дошле на Сантијаго Бернабеу, но Мурињо не го пуштил Алваро во игра.
„Тој беше како Надал на Вимблдон. Ме гушна, не баци и ми го зеде шпанското знаме. Во еден дуел претходно со ирскиот голман ја дупна главата и доби шест конци. Но тоа не му сметаше да биде среќен и насмеан", раскажувал Алфонсо Мората за Ел Паис кога син му го освои младинското ЕП 2011 и ја освои наградата за најдобар стрелец.
И покрај тоа остана четврт напаѓач на Реал и замина на позајмица во Јувентус. Тоа се испостави како полн погодок, дури му даде и гол на Реал во Лигата на Шампионите, стигна и до финалето против Барса во Берлин. Шпанија после неколку години конечно доби прав напаѓач (Солдадо, Негредо и Торес не беа во форма) и во Алваро има човек за големи дела.
Можеби Мурињо повторно ќе му се јави?
