На сите тие експлозии, гинења, раселен народ, растурени семејства, кукања и давања „задолженија“ на западот, Зеленски реши дека е супер момент да се слика со жена му за - Вог.

Чудото на природата наречено Џулија „I actually did it myself“ Фокс не престанува да шокира дури и свет навикнат на секакви бизарности како Холивуд и медиумите што го пратат.

Слободно расправајте се, ние сме во право.

Контра-маркетинг за медаља.

Јутјуб е полн со мајки што споделуваат искуства. Ама поретки се тие што си дозволуваат да се пожалат.

Откако доби „траен деформитет“ после сомнителни козметички зафати, Линда Евангелиста со своите 57 години се враќа со прва модна кампања после огромна и тажна пауза.

Новото вирално доаѓа од сеирџии што „само чекаа“ Меган Маркл да се прикаже во вистинско светло.

Е, не е саде Париз, точно. Јутјуберка конечно се сели во Европа и после 4 месеци живот, има научено фини модни филозофии.

Ни идат ужасни 40-ки. Радо би без кожа да се шетаме, а не па да мислиме на облека. Ама ете, за кога ќе дојдат ситните 36 степени - инспирација за по улици.

После години лечење со хемија и милиони ТикТокери со „глупи сте ако мислите дека можам да направам нешто во врска со мојата депресија“, научната фела призна дека депресијата не е поврзана со серотонинот како што мислевме до сега. Е, со што е поврзана? Па, „со животни настани“.

Има разлика на фотографии меѓу луѓе што имале 17 во ‘60-те и луѓе на иста возраст во ‘90-те. Има и проблем, кога ќе отвориш алманах со матуранти ‘84 и матуранти ‘05. Зошто луѓето порано изгледале повозрасно?

Во врвот на револуцијата, Франција едноставно го губи умот - „Владеењето на теророт“ било баш толку страшно колку што звучи. Револуционерните политичари како Максимилијан Робеспјер обвинуваат што стигнат за предавство на новата република и околу 16.500 луѓе годишно гинат на гилотина. И во целиот тој хаос, како што обично бива - модата не спие.

Има жени што се вечно средени, фенирани, дотерани и за до продавница и за до комшилук. И има жени кои не. Видеово не е за вториве.

Со децении, анти-абортус движењето го слика прашањето со мрачни, крвави термини. Абортусот е геноцид, нов Холокауст, современа морална криза каква што сме немале, така тврдеа. Процедурата не само што е производ на женскиот индивидуален грев, туку и симптом на култура што отишла по ѓаволите.

Во 1999, Харви Вајнстин со хеликоптер го однесоа на островот Св. Вартоломеј заради мистериозна, по живот опасна бактериска инфекција. Што и да беше, толку многу го засрами, што во болницата влезе со лажно име, избегнуваше контакти и целата енергија ја потроши да ги спречи новинарите макар и да посочат кон таа хоспитализација. Неколку години тврдеше дека за малку ќе умрел и дека останал со лузни од операција на стомакот - сево ова како резултат на - „труење со храна“.

Зборевме дека ќе излегува втор дел од епскиот, најкултен „Хокус Покус“ со најјаките вештерки на Дизни (поточно со Бет Мидлер, и понатаму ништо не е важно)? Е па, ќе има. И трејлер излезе. И трите вештерки го гледаа трејлерот.

Вирално сведоштво на Тамблр го освестува светот дека иако го водат мажи, жените сепак си создале сопствен свет кој успеале да го направат попривилегиран од машкиот.

Се случуваат забележливи промени во индустријата за убавина - трендовите вечно еволуираат и не сме на исто место каде што бевме ни пред пет години, па ни пред пет месеци.

Шминкер што работи со невести седум години, споделува со Инсајдер кои се најчестите грешки во изгледот што невестите ги прават токму на денот на свадбата.

Ќе биде нешто како Match Point и ќе биде на француски.

Не, никој не изгледа така по аеродроми, шуми, возови, када, после будење, при јадење, во Дизниленд и на шопинг. Девојчето многу уредно си покажува колку труд треба да вложиш за да ги натераш следачите да мислат дека си совршена. Океј, може имаме по некоја добра слика на плажа. Шетајќи по дуќани. Ама има пазарење и пазарење. Германка е и се вика Џералдин Вест.

На 8 јули, Анџелика Хјустон наполни 71 година. Публиката сѐ уште памети каква класа беше, какви фризури имаше и колку беа јаки со Џек Николсон на црвениот тепих. Актер, режисер, продуцент и икона од ‘70-те и ‘80-те. Ви текнува каков беше Холивуд порано?

Итан Хок го режира Џорџ Клуни како Пол Њумен.