Пред неколку века, браќата Грим, Ханс Кристијан Андерсен и Шарл Перо помогнале волшебните приказни за принцези, мрачни шуми и чудни магии да се донесат до книги достапни за секое дете ширум светот. Но, колку се всушност стари тие приказни?
Нова студија објавена во Royal Society Open Science, изведена од фолклорист и антрополог, тврди дека приказни како Румпелстилтскин и Волшебниот грав се многу постари отколку што сме мислеле. Некои од класичните приказни се 4000 и 5000 години стари, што е контрадикторно на претходните шпекулации дека собирачи како Грим работеле со народни приказни само по некој век пред нивното време.
Излегува дека е многу тешко да се сфати колку се стари со едноставни историски податоци. Бидејќи се пренесувани усно, речиси е невозможно да им се фати крајот, па тимот истражувачи позајмувал од биологија, користејќи техника наречена филогенетска анализа. Обично ова се користи за да се покаже како еволуирале организмите, но во случајот со бајките, се користеле стратегии развиени од еволутивни биолози за да се откријат корените на 275 бајки преку комплексни гранки на јазици, популации и култури.
Користејќи ја Арн-Томпсон-Утер класификацијата, индекс што се користи за делење на бајките по категории што се повторуваат (на пример „непослушната жена учи да слуша“ или „партнерство меѓу човек и огар“) нашле присуство на бајките во 50 народи што зборуваат индоевропски јазици. Успеале да го најдат потеклото на 76 приказни и откриле дека некои од нив се базираат на некои други. Повеќе од четвртина се покажало дека се со древни корени - Волшебниот грав ја нашле во моментот кога се делеле западните и источните индоевропски јазици пред 5000 години, а една приказна со наслов Ковачот и ѓаволот била над 6000 години стара.
Наодите ја потврдуваат отфрлената теорија на Вилхелм Грим дека сите индоевропски култури делат исти приказни. Но, не сите се сигурни дека наодите се точни. На пример, некои спорат дека според истражувањето, „Ковачот и ѓаволот“ датира до Бронзеното време, долго пред да постои зборот „metalsmith“ (оригиналниот наслов е The Smith and the Devil).
