Просто е:
Ако можеш нешто да завршиш за две минути или помалку, направи го веднаш, без одложување.
Лесно е да се постигне, а резултатите се значајни.
На пример, ако ја средувате спалната две минути дневно, тогаш нема да треба толкава генералка на крајот на неделата. Ако ви требаат две минути да платите сметки онлајн, не мора да ви стои над глава како обврска со денови, па и недели.
Затоа што, во тоа одложување има една беља, едноставно е, ама така е: Колку подолго одложуваш нешто, толку е потешко да го завршиш. А многу често, обврската е многу едноставна, без разлика што ни оди на нерви, па знаејќи го тоа, има смисла да ги тргнеме чувствата околу целата работа настрана и да завршиме тоа што е „две минути работа“.
Личи дека е од оние филозофии што олеснуваат живот.
