Камерон Диаз не планира да се враќа под рефлектори.
„Едноставно решив дека сакам поинакви работи од животот,“ вели таа. „Толку напорно работев и толку долго, снимав филмови и не правев простор за мојот личен живот.“
На прашањето какво е чувството да се напушти „филмска кариера од такви размери и таков успех“, Диаз вели - мир. „Добив мир во душата. Затоа што конечно се грижев за себе. Се почувствував приземјено и лесно.“
Објаснува дека е многу интензивно да се работи на тоа ниво и пред очите на јавноста. До тебе доаѓа многу енергија и си многу видлив како актер и се изложуваш. И кога го „погледнала животот“, видела дека работите мораат да се променат.
„Кога правиш филм, тоа е совршен изговор. Те поседуваат. Таму си 12 саати на ден, со месеци. Немаш време за ништо друго,“ вели таа. „И сфатив дека сум предала парчиња од мојот живот на еден куп други луѓе и тие ги земале. И морав да си ги вратам и да преземам одговорност за мојот живот.“
За време на нејзината богата кариера, Диаз има номинации за четири Златни глобуси, и тоа за There's Something About Mary, Being John Malkovich, Vanilla Sky, и Gangs of New York.
