Вести › Набрзинка

Закажана средба Путин-Зеленски

19 август 2025

Претседателите Владимир Путин и Володимир Зеленски ќе ја одржат првата средба откако почна војната во Украина во февруари 2022 година. Би требало да се одржи во следните две недели. Средбата ја договорил Доналд Трамп во телефонски разговор со Путин додека беше домаќин на Зеленски и на европските лидери во Белата куќа.
Зеленски изјави дека форматот на мировните преговори го предложил Путин. По директната средба, ако се укаже потреба, на разговорите би можел да се вклучи и Трамп. „Спремен сум да дискутирам директно со Путин за територијалните прашања“, изјави Зеленски.
На состанокот со Зеленски, германскиот канцелар Мерц, францускиот претседател Макрон, италијанската премиерка Мелони, британскиот премиер Стармер, шефицата на ЕУ Фон дер Лејен и шефот на НАТО Руте, Трамп повторил дека САД ќе ѝ дадат безбедносни гаранции на Украина откако ќе договори крај на војната со Русија. Зеленски изјави дека овие гаранции ќе бидат дефинирани „на хартија“ до крајот на идната недела.
Зеленски понудил пакет за купување оружје од САД, главно авиони и противвоздушни системи, за 90 милијарди долари, со финансиска помош од Европа. Од Трамп добил ветување дека САД ќе купат украински дронови за 50 милијарди долари.
Зеленски кажа дека нема ништо против да се одржат претседателски избори во Украина кога ќе биде безбедно да се гласа. „За време на војна не можете да имате избори. Примирјето е потребно за да може Украинците да учествуваат на демократски, отворени и легални избори“, изјави Зеленски.

извор

Христијанските светилишта во Израел ќе бидат затворени за Велигден

19 март 2026

Израел ја затвори Црквата на Светиот Гроб и ги откажа велигденските служби, наведувајќи безбедносни закани поради војната со Иран.
Иако се под иста закана, синагогите во Израел се отворени.
Дури ни Иран не ги затворил црквите.
Местото на Христовото воскресение во Ерусалим никогаш не било затворено толку долго во изминатите 2.000 години, дури ни за време на Крстоносните војни ни за светските војни. Пристапот на верниците, сепак, привремено беше ограничен за време на пандемијата пред шест години.
Отецот Ибрахим Фалтас, поранешен чувар на Светата земја, побара од израелските власти да ги отворат христијанските светилишта барем за Страсната недела.

извор

Кафаните ќе треба да направат посебен влез за пушачите

19 март 2026

„Со задоволство можам да ви кажам дека сите отворени прашања се веќе затворени. Немаме некое прашање поврзано со законот коешто не е третирано“, изјави министерот за здравство, Азир Алиу, најавувајќи дека новиот закон за пушење/непушење ќе влезе во владина процедура на 24 март.
Една од клучните новини е што терасите ќе можат да функционираат како дел за пушење и со две отворени страни, наместо со претходно предложените три. И кровот ќе се третира како „страна“.
„Дополнително, ќе се воведе обврска угостителските објекти да имаат посебен влез за делот каде што се пуши, со цел јасно да се одделат зоните за пушачи и непушачи“, изјави Алиу кој очекува дека за две години процентот на пушачи да се спушти од 45% на под 20%.

извор