Девојка со над 2.600.000 следбеници на Инстаграм се отвори пред публиката дека е разочарана од сите нив, откако во една кампања што ја терала на својот профил не успева да продаде ни 36 маички.

Во време кога Вегета знакот дотера до таму да биде толкуван како расистички симбол (па сега човек треба да пази и џоинт како пуши да не излезе дека е расист), троловите од расадникот на тролови 4чан решија да почнат со кампања за претворање на хаштагот во обележје на расистичкиот дел од Америка.

КросФит е популарна фитнес програма за вежбање и здрав живот. Го обвинија Фејсбук за промовирање утописки социјализам. Решија да ги напуштат Фејсбук и Инстаграм и да им ги плеснат причините за тоа кои долго им ги собираат. Многу легитимни причини, од Биг Брадер до цензура.

По повеќегодишен спор со пола Јужна Америка компанијата Амазон излезе како победник во битката за топ-левел домејнот .amazon. Барем за сега.

Ревизија на работата на Гугл њуз покажува дека агрегаторот на вести фаворизира многу мал број новински извори на сметка на сите останати.

Како што САД се подготвуваа да го казнат Фејсбук со 3 до 5 милијарди долари за нарушување на приватноста, така се рашири веста дека компанијата веќе има ставено на страна 3 до 5 милијарди долари наменети исклучиво за казната. Дел од размислувањата се дека уште една нула во казната многу ќе заврши работа, бидејќи сегашната сума ништо нема да смени.

Речиси половина од сите фотографии со сексуална злоупотреба на деца што минатата година биле пријавени во Интернет воч фондацијата доаѓаат од сервери во Холандија.

Вајард деновиве објавија репортажа од 12.000 зборови за изминатите година и пол во Фејсбук, за која е разговарано со 65 сегашни и поранешни вработени. Сосема споредно, од репортажата може да се направи и тајмлајн за заминувањето на луѓето кои го создадоа Инстаграм, Кевин Систром и Мајк Крајгер, од Фејсбук.

Американска демократска конгресменка во знак на подигање свесност околу проблемите за менталното здравје од користењето социјални мрежи решава целосно да се откаже од користење Фејсбук.

Ако денес некого прашете чиј е Амазон, најверојатниот одговор е, на оној Џеф Безос. Само што Амазон е и нешто друго, нешто што постои со векови и милениуми и нема врска со пазарење туку со култура, идентитет и наследство. Како некогаш Колумбо со шарени стакленца, или денес битангиве со бајки за стампедо на странски инвестиции (ене ги инвеститорите, се трупаат на Табановце, сите во низок старт) и Амазон на Безос проба да ја подмачка другата страна. Не му пројде.

Масакрот во Нов Зеланд во кој загинаа 50 луѓе не беше направен само за да предизвика што е можно повеќе жртви, туку и на убиецот да му донесе што е можно повеќе слава на социјалните мрежи преку стримување во живо на истите овие мрежи.

Европскиот парламент ги изгласа контроверзните правила за копирајт, сосе најспорните членови 11 и 13. Оптимистите веруваат дека ова ќе го направи интернетот подобар а песимистите дека ќе го направи бетер. Ние сме реалисти: ќе го направи бетер.

Што може да се случи со социјална мрежа која вади леб од порнографија кога одеднаш ќе забрани порнографија? Mоже да се случи Тамблр.

Отприлика колку што на тебе ти треба за да најдеш што да симнеш од торент или да гледаш на Нетфликс, толку му треба на просечниот руски хакер да влезе во нечија компјутерска мрежа.

На досегашната реденка причини зошто деца не треба да припаруваат до Јутјуб, од пред некое време се придодаде и „инструкции за самоубиство вметнати во цртани филмови на Јутјуб и Јутјуб кидс“.

Повторно кружејќи околу Фејсбук и приватноста на корисниците, Закерберг се напенали кога фати да објаснува дека постојаното пазење на корисниците на крај може да изгледа како Фејсбук да има камера во сечија дневна. Исто така, Фејсбук Портал за 199 долари.

Сè е убаво со рекламирање на социјални мрежи и вадење пари од корисничка содржина се додека не се појават првите обвинувања дека твојата платформа се користи од педофилска група, како за непречена комуникација, така и за ширење на педофилска содржина.

Од педофилија, до која и да ти текне штетна и глупа или само глупа теорија на заговор, Јутјуб е локомотивата што истото ќе го извлече пред поширока публика, без разлика на нејзините години.

Во некое време до први април 2019 година, Русија планира комплетно да се исклучи од глобалниот интернет, чисто за да провери како ќе ѝ оди без него.

Фотограф ангажира 15 тинејџери на возраст од 13 до 19 години, ги фотографира и има ги дава сликите да ги уредат колку што мислат дека треба пред да ги објават на Инстаграм или кој и е да е друг социјален медиум.

По последните пресметки вредноста на биткоинот е пониска отколку трошокот за негово копање. Во основа сега копањето биткоин се исплати само ако на диво земаш струја од бандера, или ако некој реши да ти ја плати сметката за струја.

Според него корисниците сакаат реклами скроени за нив. Според корисниците, тоа не е точно.

Целта се платформите за приватни пораки на трите апликации, кои Фејсбук сака да ги обедини во една, за да не мора постојано да се префрлате меѓу апликации.

Во рок од неколку месеци и втор Јутјуб канал од топ 100-те најгледани се продаде за милиони долари, а очекувањата се дека годинава ќе се изнагледаме уште вакви зделки.