Грчки ПАОК просто се помири со судбината цела вечност во квалификациите за Лига на шампиони да игра против Ајакс или Бенфика. Веќе ни сами не знаат колку пати низ годиниве од стотици други клубови на ждрепките, секогаш им паѓа холандскиот или португалскиот клуб. И пак им падна.

Во сјајната документарка од Амазон за Тотенхем 'All or Nothing', Жозе Мурињо седи во својата канцеларија и слуша на телевизија како коментар збори дека времето на Жозе поминало. Португалецот ладнокрвно го исклучува.

Клубот кој ја импресионираше фудбалска Европа со фантастични партии, ретко греши и на трансфер пазарот каде сјајно работат во последните неколку години.

Македонските претставници во квалификациите за Лига Европа, денеска напладне ги добија своите ривали – Силекс против Дрита, Ренова ќе игра против Хајдук Сплит, а Шкендија против романски клуб за кој играат двајца Македонци.

Најпознатиот „инвајдер“ кој редовно упаѓа на големи натпревари па редари го бркаат по цел терен додека стадионот се забавува, овојпат не можел да игра на пријателски меч против својот сакан клуб. Полицијата му забранила.

Македонските репрезентативци беа главни актери во решетањето на АПОЕЛ Никозија во кипарското првенство. АЕК Ларнака славеше со 3:0 а Тричко и Спировски дадоа по еден гол за втор триумф на АЕК Ларнака во шампионатот.

Главна тема во светот на спортот летово е желбата на Лионел Меси да замине од Барселона после цели 20 години. Аргентинецот уште не отиден од Камп Ноу, а веќе ја бараат неговата бројка на дресот. Комично.

Ирецот Мет Доерти важи за еден од најдобрите бекови во англиската Премиер лига. Навивачите на Тотенхем се презадоволни што клубот успеа да го купи од Вулверхемптон за пристојна сума, ама Доерти мораше да брише стари твитови во кои изразува љубов кон омразениот ривал на Хотспур.

Кошаркарите на ЛА Клиперс го елиминираа Далас Маверикс со 4-2 во првата рунда од НБА плејофот. Лука Дончиќ и на шестиот меч по ред беше фантастичен, со неверојатни 38 поени, 9 скока и 9 асистенции. Во целата серија Дончиќ беше грубо физички удиран од противничките кошаркари, а најбезобразен беше Маркус Морис.

За фудбалер нема поголем ќејф од тоа да го реши мечот со ефектен гол. Густаво да Коста така му донесе три бода на Олимпијакос Никозија на Кипар против Паралимни (1:2) со фантастичен слободен удар.

Со три гола на капитенот Мемфис Депај и еден на Весли Лаутоа, Лион со 4-1 го прегази Дижон, па многу и нема да се памти промашувањето на Максвел Корне. Епско промашување.

Некои медиуми веќе прават анализи околу тоа како најдобриот играч на светот ќе игра во тактиката на Манчестер Сити кај Гвардиола, а некои уште си поигруваат со нагаѓања каде Меси ќе ја продолжи кариерата. Па го начекаа Клоп да го прашаат дали го гледа Лео на „Енфилд“.

Барањето на Меси преку бирофакс за заминување од Барса не само што ги растревожи Каталонците кои дојдоа пред „Камп Ноу“ и бараа оставка од Бартомеу, туку ги крена на нозе и навивачите на Њуелс Олд Бојс.

Тодрик Гочер има 27 години, роден е во Лабак, град во сојузната држава Тексас каде деновиве често се пишувало за него, од многу интересна причина.

И во услови на светска криза Sport Vision ја продолжува својата политика да иновира и да се позиционира поблиску до купувачите.

Ако во последните пар години Меси знаеше да трзне дека ќе си оди, па го наградуваа со нов раскошен и богат договор, овојпат Аргентинецот како да е цврсто решен дека сака да смени клуб. Навивачите на Барселона се исто толку свесни дека овојпат приказната „волк, волк“ е вистинита.

Општо е познато каква опасност носи секоја Ф1 или мото трка. Во историјата на Формула 1 досега имаше многу трагични исходи (Сена, Кларк, Бјанки), а само благодарение на брзи интервенции на врвни доктори и медицински служби, многу пати биле избегнати драми.

Младиот Аргентинец Николас Иван Гонзалес постигна супер гол од пола терен на пријателската со Хамбург која неговиот Штутгарт ја доби со 3:2. Нико даде два гола од кој едниот беше мајсторија.

Најголемите две интриги на летниот трансфер пазар се: 1. Дали Меси ќе замине од Барселона? (има цврста намера да си оди, но имаше и претходни години) и 2. Ако си оди, дали ќе замине бесплатно?

По последните настани во Кеноша каде полицијата уби неколку лица во масовните протести кои почнаа по убиството на Џејкоб Блејк, многу НБА кошаркари и тренери решија дека е време да кренат рачна додека не се смират страстите. „Зошто и натаму ја сакаме оваа земја кога она не нè сака нас“, прашува Док Риверс.

Кошаркарите на Милвоки Бакс синоќа одбија да излезат на паркетот пред стартот на петтиот меч од првата рунда во плејофот на Истокот против Орландо.

Англискиот клуб важи за прв фаворит за потписот на еден од најголемите на сите времиња, доколку Аргентинецот навистина замине од Барселона после цели 20 години.

Откако пред неколку натпревари Монтрез Херел на расна основа го навредуваше Дончиќ па му се извинуваше, сега Маркус Морис очигледно намерно го нагази Лука на зглобот кој пред некое време му беше повреден. На крајот ЛА Клиперс го совладаа Далас со 154:111 а Дончиќ одново беше мета на дофрлања од клупата на Клиперси.

Светот на спортот веќе неколку часа непрестано дебатира околу сагата Меси и Барселона, откако Аргентинецот побарал раскин на договорот и изразил желба да замине од Камп Ноу. Свое мислење дадоа и големите мајстори на фудбалот, луѓе кои играа и за Реал и за Барселона.