Тулуз игра врвна сезона во француската Лига 2 и како лидер наскоро би требал после 2 години да се врати во Лига 1 и да игра со ПСЖ, Марсеј и оснататите елитни клубови каде припаѓа. Минатиот викенд со 2:4 го победија Генгам но мечот се зборува најмногу и поради голот кој го даде домашниот фудбалер Мехди Мергем.

Верувале или не, 23 клуба кои во името имаат Реал играат во првите пет дивизии во шпанскиот фудбал и тоа без да се сметаат тука нивните резервни тимови.

Хадерсфилд е сериозно намерачен да го стигне Борнмут на второ место во англиски Чемпионшип и да обезбеди директен пласман во елитната Премиер лига. Синоќа со 2-0 го победија Лутон. Првиот гол на мечот и тоа каков гол, го даде Џон Расел. Многу фудбалски. Хадерсфилд е трет со 69 бода но и 2 меча повеќе од Борнмут кој има 73 бода.

Вељко Бирманчевиќ е дете на Партизан кој лани направи трансфер од Чукарички во Малме. 100% го има видено легендарниот гол на Ѕола, барем на Јутјуб. Навивачите бакљи почнаа да палат после мајсторијава.

Фоџа - Катанзаро (2:6), Серија Ц. Ни ред, ни поредок. Во Англија нека одат овие вака ноншанлантно да влетуваат и да излегуваат од терен. Нема да ја помирисаат друг пат тревата. За што ли зема плата обезбедувањето?

На моменти човек ќе помисли дека многу ја угњавија топката, ама што не им ја земат ако можат? Плус гол дадоа. Се работи за шестиот погодок на дуелот против Сент Џонстон кој го декласираа 7:0. Си вежбаа луѓето.

Во 17. коло од пролетниот дел во Бизнис лигата на Македонија победи славеа екипите на ЕВН и Рамстор.

Новак Ѓоковиќ по сите перипетии кои го снајдоа во Австралија, конечно ќе заигра тенис на раат, без скандалозни наслови, без теории на заговор, без анти и ваксерски дискусии. Во неговиот Монтекарло каде живее со години, утре го отвора турнирот со Шпанецот Давидович-Фокина.

Браво голман во иронична смисла е коментар на место кој можеше да се чуе во клипот. Само месечар може да прими ваква балонка.

Енис Барди и другарите, ниту со три пенали не успеаа да ја совладаат Барселона која со Чави на кормилото полуде и е во страшна серија од 15 средби без пораз. Домаќините немаа чаре за извонредниот Тер Штеген кој им фати пенал, ама и една ваква шанса која не се пропушта еден на еден. Слалом на Моралес кој ќе добиеше опис со Меси наслови.

Кошаркарот на актуелниот НБА шампион Милвоки Бакс, Џру Холидеј ги насмеа сите во салата, па и коментаторите, откако на мечот со Кливленд Кавалирс влезе на осум секунди, направи фаул и излезе од игра. Интересно во клаузулата на договорот кој го има со клубот, за 67 одиграни натпревари во сезоната (макар се појавил на терен и пар секунди), ќе заработи 306.000 долари.

Дуелот меѓу ривалите Ајнтрахт Франкфурт и Фрајбург (1:2) беше прекинат на самиот старт откако двајца активисти за зелена околина, по примерот на нивни колеги од Премиер лига, се врзаа за стативите па едвај ги вадеа.

И по месец ипол војување во Украина, навивачките групи не застануваат со осуда на сегашни и минати несогласувања меѓу соседи, решавани на крвав начин.

Барселона ја продолжи серијата без пораз на 16 меча откако синоќа со 2:3 во драматичен меч го совлада давеникот Леванте на Барди кој речиси сигурно испаѓа во Сегунда. Барселона победи со гол на Лук Де Јонг во длабоко судиско продолжение а најголем куриозитет од мечот е што имаше дури 3 досудени пенали за Леванте кој искористи два и на крај изгуби.

Во Јужна Африка еднаш како награда врачија 5 гигабајти интернет, во Зимбабвме пиво, а во Гана влечки. Најнов хит викендов беше случајот во Уганда, ама се појави втора слика со допуна.

Веќе трета година по ред, публиката на Болоња има привилегија во живо да ужива во магиите на 35 годишниот магионичар од Ваљево. Италијанскиот коментатор вели вака: Во цела планета ова може да го направат само Милош Теодосиќ и ептен мала група на други луѓе.

Во пресрет на бараж двомечот со Чешка (13 и 17 април), радува формата на Филип Кузмановски кој со 7 гола од 8 обиди, беше еден од најдобрите ракометарите на Хановер викендов. Фитиљ со атрактивен гол во последниот напад му донесе голем на својот тим на гостувањето против Фуксе Берлин.

Во македонската пресметка во Хрватска, на која настапија сите тројца наши репрезентативци, Аријан Адеми и Стефан Ристовски слават многу важна победа во трката за титулата против Дарко Велковски.

Во полуфиналето од АТП турнирот во Хјустон домашниот тенисер Опелка со 2:0 во сетови го победи Ник Кирјос (6:3, 7:5). Австралиецот со грчко потекло во еден момент бурно се расправаше со судијата па доби казна.

Манчестер Јунајтед одигра уште еден очаен натпревар, заслужено изгуби од давеникот Евертон 1-0 и падна на седмо место во Премиер лига со 5 бода зад позицијата која води во Лига на шампиони. Роналдо претрпе жесток удар во еден дуел по што беше раскрварен. На крајот фрустриран кај трибините му го турна телефонот на еден млад навивач.

Челси после неколку бламажи во првенството и во Лига на шампиони, конечно заигра како треба и бесот го истури на Саутемптон. Сините победија со неверојатни 0-6. Маунт и Вернер постигнаа по два гола а по еден Алонсо и Хаверц. Германецот имаше и еден чудесен потег.

Го приметивме лани дека е збуцкан кога му аплаудираше на Пандев против Холандија, ама чекај во дрес да го видите. Инаку Весли има 37 години, а кариерата ја заврши 2019-та во Катар. На 50 личи на фоткава. Христо Стоичков се направил.

Бол, Јокиќ и Херел и други меѓу десетте луди потези, најдобри на вечерта во НБА каде се одиграа неколку натпревари.

Дваесет и едногодишниот Струмичанец Васил Гогов е на листата на 5 најдобри одбрани во последниот круг натпревари во Лига на шампиони. Во отуство на Борко Ристовски, Гогов и Томовски одлично бранеа и се најзаслужни што Вардарци колку-толку го обелија образот во Унгарија и ремизираа 33-33 со Везпрем.