Атрактивниот Финец кој се прослави на Европското со силни забивања, Мика Муринен (18) летово ги изненади сите откако реши да дојде и да игра во Партизан. Кај големиот Жељко Обрадовиќ. Ама тренерот на црно-белите му дава малку шанса што е сосема очекувано ако се знае дека Финецот е уште неискусен и дека треба уште многу да се кали. Добива по некоја минута и веќе почна со куцања.

Белгиецот кој за кратко време стана лидер на неговиот нов тим Наполи, само што влезе во форма и ритам, се повреди и ќе отсуствува најмалку до февруари, соопшти Наполи. Тој за време на дуелот со Интер кој Наполитанците го добија 3-1 постигна гол од пенал, но веднаш по изведениот пенал се пожали на болка во задната ложа.

Фенербахче го совлада Газиантеп на гости со 0:4. Едерсон за малку ќе направеше асистенција од гол на гол, арно ама од спротивната страна имаше дефанзивна реакција во стилот на Фабио Канаваро.

Најдобриот корејски фудбалер во историјата, Сон Хин Мин после 445 натпревари, 173 гола и освоен пехар во Лига Европа, го напушти Тотенхем како голема клупска легенда. Отиде во САД, потпиша со Лос Анџелес. Таму исто издоминира. Го заскаа веднаш навивачите и им стана најомилен играч. На 23-ти август постигна гол од слободен удар против Далас кој е прогласен за најубав на сезоната во МЛС лигата.

Драјмонд Грин е еден од најтрофејните кошаркари во историјата на НБА. Има 35 години, со Голден Стејт Вориорс освои 4 шампионски титули, беше биран за најдобар одбранбен играч, има 4 Ол-Стар настапи. Ама има и нешто чудно во него да прави глупости на и надвор од терен. Синоќа во победата на Голден Стејт против Мемфис Гризлис откако Санти Алдама промаши слободни фрлања по груб фаул на Грин, еве како се глупираше:

Не се живи ако не фатат да тераат мајтап со некој редар, линиски судија, делегат или противнички навивач или играч. Сега навивачите на Лејтон Ориент кога биле на гостување во Ротерам, се мајтапеле со редарот кој носел копачки. „Ставете го да игра!“, „Он ви е најдобар играч“, „Ништо без него“ биле само дел од скандирањата за редарот.

Гледачи качени на брдо со расфрлани флаши и лименки. Еден пцуе ко кочијаш. Голманот се витка и офка од болки на земја. Ова е снимка од 8 секунди од мечот меѓу Беса и Аеродром во третата македонска лига, одигран во село Слупчане. Кој знае уште што не гледаме. Епилог: Домаќините загубиле 2:1, гостинскиот голман завршил во болница.

Гледачите во „Делта Центарот“ во Јута синоќа беа сведоци на право шоу. Најдобриот фински кошаркар во историјата постави свој личен рекорд на кариерата и влезе на вечната листа на кошаркари (96) во НБА кои дале повеќе од 50+ поени. А претходниве вечери пет кошаркари остварија поентерски рекорди.

Ниту е свесен што прави, ниту знае поинаку. Доминацијата на Никола Јокиќ на стартот од новата сезона вели, три од три трипл-дабли. Само на уште двајца во историјата им успеало.

Фиорентина - Болоња 2:2. Резултатот го отворија гостите со удар на Сандро Кастро за кој нема чаре и тројца да застанат на гол. Душмански му ја заби. Ќе ја дупнеше топката.

Извесен Дантон Логи Лудвиксон, ептен си го направи ќеифот овој викенд во првата лига во Исланд. Соиграчите од клупа воодушевени.

„Кога се користи оружје, честа е расипана“, вели првиот човек на турскиот фудбал, кој излезе со фрапантни бројки за игратата која ја валкаат, токму оние кои треба да ја држат чиста.

На трката за Големата награда на Мексико Сити, двајца редари истрчаа на сред патека. Близу до нив брзо возел Лиам Лосон од Рејсинг Булс кој бил шокиран кога ги видел редарите како претрчуваат. 23-годишниот веднаш се јавил преку радио-врска до тимот: „Вие ме зафркавате!? Го видовте ли ова?! Можев... да ги убијам“, рекол Лосон.

Два месеци по грдите сцени во Штип во младинскиот фудбал, доаѓаат убави вести. За памет нека е.

Во отсуство на двајцата најдобри играчи Леброн Џејмс и Лука Дончиќ, Остин Ривс одигра чудесна партија за Лејкерс и им донесе победа против Сакраменто Кингс 127 - 120. Ривс постигна неверојатни 51 поен со 11 скока и 9 асистенции.

Американецот со македонско потекло игра одлично во САД. Филаделфија го совлада Чикаго со 4:2 на пенали, после 2:2 во регуларниот дел, а Милан даде два гола, еден во пенал серијата и еден од игра кој вреди да се погледне.

Сан Антонио Спарс игра фантастично и ваков старт на сезона во НБА немале долго време. Три натпревари - три победи. Синоќа со 118-107 го згромија Бруклин Нетс. Виктор Вембанјама правеше чуда на паркетот. Постигна 31 поен со 14 скока а имаше и неколку блескави рампи.

По завршувањето на големото Ел Класико кое заслужено го доби Реал Мадрид 2-1 против Барселона, на теренот имаше голема гужва. Некои играчи на домаќинот тргнаа да се пресметаат со младиот Ламин Јамал кој имаше неумесни зборови на сметка на Реал и пред дербито кажа дека крадат и се жалат. А еден гледач на трибините снимил и една смешна епизода:

Младата суперѕвезда на Барселона, 18-годишниот Ламин Јамал пред големото дерби Ел Класико имаше коментар во една емисија дека „Реал Мадрид ај што краде, туку и се жали“ со што фрли бензин во оганот пред дербито. По триумфот на Реал 2-1, Карвахал, Куртоа и Винисиус му се пуштија на Ламин да се пресметаат со него, но соиграчите ги смируваа.

Килијан Мбапе и Џуд Белингем постигнаа по гол за голем триумф на Реал Мадрид над омразениот ривал Барселона 2-1. Бразилецот Винисиус одигра добар натпревар но во 71' минута тренерот Чаби Алонсо го извади од игра. Кога Бразилецот сфати дека тој излегува од игра почна да гестикулира со раце, да пцуе и не се ни поздрави со тренерот Алонсо. Отиде директно во соблекувална и не го догледал натпреварот.

Со головите на Килијан Мбапе во 22' минута и Џуд Белингем во 43-та, Реал Мадрид го победи најголемиот ривал Барселона 2-1 (Фермин Лопез во 38-ма стрелец за Каталонците). По триумфот во напнатото и тензично Ел класико, Реал сега на Барса и бега 5 бода. „Кралевите“ имаат 27 бода а Барселона 22. Трет е Виљареал со 20 бода.

Шкотланѓанецот Мектоминеј (28) пар сезони беше клучен резервист кај Манчестер Јунајтед и при секое многу влегувања во игра знаеше да постигне гол. Поради слаба минутажа дојде во Наполи. Во првата сезона им донесе шампионско скудето, беше главен играч и меѓу првите стрелци. Сега и сезонава е лидер на екипата. Синоќа во убедлив триумф 3-1 над Интер постигна прекрасен гол! Наполи е прв на табела во Серија А со 18 бода.

Тимот на Роналдо, Ал Наср има максимален учинок и 6 победи после 6 кола во саудиската Про лига. Имаат 21 даден гол и само 2 примени. Имаат 18 бода благодарение на новајлијата Жоао Феликс кој веќе стигна до 9 гола и Кристијано Роналдо кој само во првенството има 6. Синоќа и двајцата дадоа по еден во победата 0-2 над Ал Хазм. Кристијано го постигна 950-от гол во професионален фудбал. Целта му е да стигне до 1.000 погодоци.

На четвртиот натпревар за неговиот нов клуб, новиот италијански прволигаш Кремонезе, 38-годишниот легендарен шпиц Џејми Варди го постигна првиот свој гол. И тоа за 1-0 против силната Аталанта во 78' минута. Гостите израмниле во 84-та минута за конечни 1-1.