Имавме ултра набиена сезона, со многу репрезентативни настапи, Лига на Нации + Квалификации за СП и дополнително, ова смешно и промашено Клупско Светско што дополнително ги измрцвари ултрасилните екипи. Фудбалерите не се роботи.

Компанијата Киа во Австралија објави интересна реклама во која се појавува еден од најдобрите светски тенисери на сите времиња, Рафаел Надал и се споменува македонски мермер. Во рекламата се појавува и Питер Даикос, некогашен легендарен играч во австралиски фудбал со македонско потекло. Грците одма рипнаа.

На 28 години згасна животот на славниот фудбалер на Ливерпул Диого Жота кој загина во сообраќајна несреќа во Шпанија на автопат близу граница со Португалија...

Остајте вие тоа гол на голман од пенал, слободен удар или со глава. Сте виделе ли некој да ја забие топката во гол со раце? И тоа мртов ладен, со смеч како на одбојка. Кан дами и господа, како никој никогаш претходно. Па уште Јанкер и Куфур бараат некаква си правдина кај судијата :).

Јако парче историја од Вимблдон 2001. Во 4. коло на младиот Роџер Федерер му се падна идолот Пит Сампрас, инаку 7 кратен првак на најелитниот турнир во 8 изданија од 1993-та до 2000-та. Го доби во 5 сета за 3 часа и 40 минути со атрактивен ритрн.

Со 26 настапи и 6 гола португалскиот ас Диого Жота придонесе за шампионската титула на Ливерпул во Премиер лига 2024/2025. Беше миленик на навивачите на црвените кои му пееја и неколку посветени песни. Во јуни освои и голем пехар со Португалија во финалето на Лига на Нации.

„Играв против Новак, Рафа и Роџер кога беа во најдобра форма. Надал и Федерер имаат слабости, Ѓоковиќ нема. Новак за мене е најдобриот во историјата“, изјави во едно интервју Хуан Мартин дел Потро.

Диего Армандо Марадона ја водеше Аргентина од ноември 2008 до јули 2010, период кој како да остана подзаборавен. Скорот не му лош, 18 победи и 6 порази, но без некој значаен успех. Се прости од селекторската позиција на денешен ден, пред точно 15 години со убедлив пораз од Германија во четвртфиналето на СП 2010.

Станува збор за годишна сигурна сума која што бундеслигашите ја добиваат од генералниот спонзор кој стои на чело на нивните дресови. Има огромна разлика од првите 2-3 клуба па надолу.

На две перници на базен, од 10 обиди, нема ниту еднаш на нозе да се задржиме, а не па акробацијава да ја направиме.

Македонскиот репрезентативец Енис Барди на 2. јули прослави 30-ти роденден. Му го честитаа и од Леванте, неговиот некогашен клуб во шпанска Ла Лига каде блескаше во време кога таму играа Кристијано Роналдо, Лионел Меси, Карим Бензема...

Видеото е од Ковидот 2020-та, кога фудбал се играше без публика. Па човек како да ја цртал акцијава. Совршено одиграно.

Уругваецот Едуардо Кодресаљ го судеше легендарниот дуел меѓу Англија и Камерун во четвртфинале на Мундијалот 1990 во Италија кога Англичаните водеа, па губеа и на крај славеа во продолженија. Погледнете како Кодресаљ досуди крај. По книга.

Во САД веќе неколку години, од 2017-та се одржуваат трки со маски со диносауруси односно Светско Т-рекс првенство во трчање. Конкретно се одржува во местото Обурн, кај Вашингтон. Со публика со полни трибини, со пренос на телевизија со коментатори со сè.

На прес конференција на ЕП 2001 во кошарка, седнуваат Светлилав Пешиќ и Предраг Стојаковиќ. Инсистираат од Пешиќ да зборува на англиски, а тој се објаснува дека нема потреба, бидејќи 60% се Југословени. Потоа поентира на свој начин :).

Тимот од Бергамо откако во 2011-та се врати од втора лига Серија Б во Серија А игра одлично на сите фронтови. Минатата сезона заврши на високото трето место пред едни Јувентус, Рома, Лацио и Милан и повторно ќе игра во Лига на шампиони. Минатата сезона имаа добри настапи во елитната ЛШ а еден еврогол на Бразилецот Едерсон против Барселона, навивачите го прогласиле за најубав на сезоната.

Новак Ѓоковиќ победи на стартот на Вимблдон со 3-1 против Александер Милер и триумфално го започна Гренд слемот. Победата ја прослави со имитација на пумпање. „Пумпај“ е еден од главните ударни слогани на студентските протести кои од минатиот ноември 2024-та непрестано траат во Србија. Новак неколку пати јавно ги поддржа студентските протести а сега после победата на Вимблдон кажа зошто прославил со пумпање и дека секој нареден триумф ќе го слави така.

Кај мажите рекордер е Роџер Федерер со 8 титули, а потоа следуваат Пит Сампрас, Новак Ѓоковиќ и Вилијам Реншо со по 7. Кај жените број 1 е Мартина Навратилова со 9, втора е Хелен Вилис со 8. По 7 имаат Доротеја Ламберт Чемберс, Штефи Граф и Серена Вилијамс. Од постер направиле видео. Преубаво.

2 јули, 2000-та. Едно од оние финалиња кои не се забораваат. На сцена великаните Франција и Италија. Марко Делвекио го отвои резултат во 55 минута и кога се чинеше дека европската титула е обезбедена, Силвијан Вилторд израмна во 94-та минута. Во продолженијата, шок за Италијанците. Давид Трезеге постигна златен гол, вреден трофеј.

Корентин Муте од Франција, 69-ти на АТП, го елиминираше Аргентинецот Франциско Комеса во првото коло од Вимблдон. Погледнете каква финта му продаде во третиот сет. Кој би рекол а?

Реал Мадрид тотално го издоминира Јувентус во мечот од 1/8 финале на СКП. Имаа „кралевите“ на Чаби Алонсо дури 21 шут од кои 11 кон противничкиот гол, 58% посед на топка против 42% на Јувентус, 622 додавања наспроти 468 на Јувентус и 11 корнери наспроти 4. Само голманот Ди Грегорио беше најзаслужен што Италијанците не примија некој гол повеќе.

За првите два дена од Вимблдон испаднаа толку познати топ играчи од ранг листата кои во некое друго време би биле најмалку во трето коло на големиот Гренд Слем.