Исмаел Саибари е репрезентативец на Мароко кој игра за ПСВ. Седум пати по ред му го изгледавме овој дуел 1 на 1. Нас во редакција не збуни, не па тој што го чува. Врвна мангупарија. Браво.

Со трите гола, со хет-трикот на Мбапе против Барселона во поразот 4-3 во Ел класико за титула во Шпанија, напаѓачот на Реал Мадрид синоќа постигна гол и против Мајорка и сега е на само -1 гол од врвот на листата најдобри стрелци каде долго време царува неприкосновениот Виктор Ѓекереш.

Крајот на финалето на Купот на Словенија во кое Цеље го растурил Копер со 4-0 го одбележила голема тепачка меѓу играчите од двете екипи но и на тренерите кои наместо да смируваат, го распалиле оганот. Хаосот настанал по четвртиот погодок на Цеље кога Франк Сидибе од Копер без причина го удрил Тамар Светлин. Толку требаше. На крајот црвен добил фудбалерот Фелипе Курсио а покрај теренот се пресметувале тренерите Алберт Риера (екс Ливерпул) и Славиша Стојановиќ.

Фудбалерите на големиот германски клуб Хамбургер кој последниве неколку години мака мачеше во втора лига, успеаа сезонава да се изборат за пласман назад во Бундеслига после цели 7 години! Хамбургер испаѓаше во баражи, губеше во последно коло, навивачите претрпеа многу разочарувања откако за првпат во историјата испаднаа пред седум години. Сега со 6-1 го совладаа Улм, први се на табела со 59 бода на коло пред крајот во втора лига. Навивачите збеснаа од радост и прослава.

Непишано правило, макар на поорганизираните навивачки трибини ширум Европа (пред сè на Балканот) е да не се вади телефон и да не се снимаат луѓето на трибината и општо што било на трибината. Тројца Италијанци, туристи низ Хрватска, биле на мечот Динамо Загреб - Славен Белупо (5:0) и отишле на северната трибина на „Максимир“. Почнале да снимаат и добиле ќотек.

Состојбата на стадионот на Хамбург после инвазијата на навивачите на терен по повод промоцијата во Бундеслига. Вака на прва човек да го гледа клипов, нема да знае ова дали е ова резултат на славење или дивеење поради испаѓање.

Тифото се однесува на 85 годишнината од воздушните напади на Хитлер кои се случија на 14 мај 1940 година. Според официјалниот список објавен во 2022 година, најмалку 1.150 луѓе биле убиени, од кои 711 само во бомбардирањето на 14 мај, а уште 85.000 останале без покрив над главата.

Најдобрата светска тенисерка Арина Сабаленко која со месеци си поигрува со своите ривалки, синоќа изгуби во четвртфинале на АТП Мастерсот во Рим од Кинеската Чинвен Џен 6:4, 6:3. Натпреварот траеше час и 38 минути а со овој пораз Сабеланко прекина победничка серија. Во еден момент од дуелот некој од публика и дофрли: „Ајде Арина, играј тенис“, а таа возврати со: „Замолкни“!

Во 5. коло на Копа Либертадорес, аргентински Расинг Клуб со 4-0 го растури чилеански Коло Коло. Расинг е прв на табела во 10 бода, а Коло Коло има само 2 бода и веќе е испаднат од групната фаза. Артуро Видал уште игра за Коло Коло, а синоќа доби втор жолт и црвен картон во 63-та минута зошто гестикулирал кон навивачите на Расинг број 2 како потсетување на 2 Копа Америка титули кои Чилеанците ги освоија токму против Аргентина на Меси во финале.

Имаме снимка од Ајндховен која долго ќе се врти. Откако ПСВ во претпоследното коло си ја заврши работата со победа против Хераклес од 4:1, навивачите ги вклучија телефоните и го следеа мечот Гронинген - Ајакс каде резултатот беше 1:2. Погледнете им ги реакциите во 99-та минута. До солзи се радуваа на израмнувањето. Прајслес.

Фудбалерите на Болоња се апсолутен хит сезонава во Италија откако синоќа го победија Милан со 1-0 на преполниот „Олимпико“ во Рим во финале на Куп на Италија и го освоија првиот пехар од 1974-та година!

На едно коло до крајот на сезоната, во холандскиот шампионат се случи луд и неочекуван пресврт. Ајакс е во шок, ПСВ е пред славје.

Реал Мадрид ја доби Мајорка со пресврт и ја остави разликата со Барселона на -4. Гостите поведоа во 11 минута, Мбапе израмни во 68-ма минута и кога секунди ги делеа Каталонците од заверување на титулата, конечните 2:1 ги постави дефанзивецот Јакобо Рамон и тоа со деби гол на својот втор настап во Лига. 

Игра многу лесно и доминантно, мислиш на пријателска е. За самодоверба да не зборуваме. Па уште и вади некои тројки ко Кари, а центар игра.

Е до таму оди градското ривалство во италијанскиот фудбал. Сампдорија за прв во историја испадна не во Б, туку во Серија Ц. Навивачите на Џенова славеа на големо мислиш Скудето освоиле.

Неискомплексиран дечко. Заработува милиони евра, а и натаму е скромен како кога бил мал и не толку познат. Маркус Турам е еден од најзаслужните што Интер игра историска сезона, што се бори за шампионско скудето и ќе игра финале на Лига на шампиони. Тој е меѓу најдобрите стрелци и асистенти во екипата и е прав лидер на нераѕурите.

20 години кариера во 11 клубови во 6 држави, 566 настапи и 214 голови, плус 67 репрезентативни меча и 7 гола. Милионски трансфер во Белгија, титула со големата Легија Варшава, легенда на Кипар, пласман со Македонија на Европско. Тивок и скромен јунак со преку 200 гола во кариерата.

Некогашниот европски вицешампион и првак на Италија, Сампдорија првпат во својата 79-годишна историја испаѓа во трета италијанска лига Серија Ц. Доријаните никако не можат да се вратат на правиот пат а по ремито 0-0 против Јуве Стабија на гости синоќа, испаднаа и математички во трета лига. Тоа беше повод за нивните најголеми градски ривали, навивачите на Џенова да слават по градските улици со огномет, трубење од коли и многу пиротехника.

Додека ПСЖ со гордост соопштува како клубот ќе води преку 600 лица блиски до фамилиите на играчите, тренерите и вработените во сите сектори во клубот, Манчестер Јунајтед мака мачи да ги задоволи барањата на нивните вработени за финалето на Лига Европа против Тотенхем.

Ова не потсети на една сцена кога Коби Брајант отиде на сопствен натпревар со дрес од Мајкл Џордан.

Откако Шефилд Јунајтед глатко го совлада Бристол Сити и во два натпревари од полуфинале на баражот во Чемпионшип му даде шест гола (два пати по 3:0), се чекаше вториот финалист. Сандерленд на гости го совлада Ковентри 1-2 минатата недела а синоќа се играше реваншот. Гостите во 76-та минута дадоа гол за израмнување на вкупниот резултат 2-2 и донесоа права драма. Во продолженија, во 120+2' минута Даниел Балард постигна гол за 1-1, вкупен резултат 3:2 и пласман во големото финале на Вембли. Лудница на трибините!

Не е лесно да си тренер во Премиер лига. Нон стоп под лупа на новинари. Буквално. Погледнете колку работа имал пред камерите Рубен Аморим изминативе 6 месеци во Манчестер Јунајтед. Само во Премиер лига, имал обврска да се појави пред камерите 100 пати во 25 кола. На прес конференција пред и по секој натпревар, а истото да го направи посебно за клупскиот канал. Плус 175 интервјуа после секој натпревар на носителите на правата на Премиер лигата. А да е само тоа. Скоро 500 интервјуа дал од ноември до сега или просечно скоро 3 на ден.

Под балконот вонредна состојба. Инаку се работи за хотел во Сан Хозе.