Синоќа во НБА се одиграа шест натпревари, а вечерта ја обележи враќањето на Коби Брајант и победата на неговите Лејкерси против Индијана 88:87. Токму Коби со кош на 13 секунди пред крајот го одлучи победникот. Коби меѓу другото имаше 20 поени и по шест скокови и асистенции.

Петти пораз за МЗТ Скопје во шестиот меѓусебен дуел со Будуќност. Црногорците вечерва славеа во Скопје 85:61 и му го нанесоа на МЗТ единаесетиот пораз во сезоната, која е резултатски најлоша од сите три на Скопјани во АБА лигата.

Со деветтиот триумф на последните 10 средби, кошаркарите на Атланта Хокс имаат фантастичен скор од 25 победи и 8 порази. Лидерската позиција во источната конференција ја имаат во овој период за прв пат по 1997 година.

Од 2008. година до 18. декември минатата година, Ражон Рондо играше за Бостон, од каде замина во Далас. Токму во синиот дрес ја одигра можеби најдобрата партија во кариерата, по што Далас славеше против неговиот Бостон 119:101.

Првата спортска сабота во 2015-та стартува со финале од ревијален тениски турнир, меч од ФА купот и неколку натпревари од шпанското фудбалско првенство.

Боби Бошковски е најдобриот Типстер за месец декември и за тоа кладилничарско знаење или интуиција ќе му подариме дрес од македонската фудбалска репрезентација.

Фудбалот кај нас мирува, инаку ако требаше да се игра на ѕиврава, натпреварите ќе мораше да се префрлат во сала. Пред 52 години, Англичаните се соочија со најголемиот студ од 1740-та година и натпреварите мораа да ги одложат 261 пати.

Една јапонска телевизија го предизвика Лионел Меси да се обиде да ја прими топката, откако претходно ќе ја рогне преку барикадата висока 18 метри.

Во изминатата година, ултрасите не береа многу гајле, освен добро да се истепаат, па така инциденти имаше од Рим до Париз, преку Истанбул и Киев, до Мадрид, Скопје и Битола.

Бразилската ѕвезда ги рипна тренинзите за Божиќ па потоа објави слика дека заминал кај семејството. И покрај отсуството со денови, мексиканскиот клуб Куеретаро одлучи да не го казни, а тој објасни каде бил и за Нова година. Објективот успеал да фати 13 девојки.

Првата неочекувана спортска вест во 2015-та е официјалното заминувањето на Џерард од Ливерпул кое ќе се случи по крајот на сезонава. Тоа не потсетува на разделбите Лампард – Челси, Дел Пјеро – Јувентус кои исто така не се очекуваа. Причините се нов предизвик пред пензија.

Двете интервенции во ист напад на голманот на Вардар против Рајн Некар и онаа на поранешниот голман на Металург против ПСЖ, влегоа во потесниот избор на ЕХФ кој состави листа на најдобри одбрани од првиот дел од сезонава во Лигата на шампионите.

Со два гола и една асистенција на новогодишното дерби против Челси, 21-годишниот Кејн полека го заработува повикот за сениорската репрезентација на Англија. Во 2014-та постигна 15 голови во сите натпреварувања и сега само Агуеро од Сити има подобар скор од него.

Блокадата на Кенет Фарид со две раце, забивањето на Теренс Рос, јуначкиот шут на Винс Картер против шампионот влегоа во најтесниот избор од најдобри потези за минатата година. Првата позиција оди кај Дамиан Лилард кој со решавачки шут на 0.9 секунди до крајот му ја донесе историската 14-та победа по ред на Портланд.

Англискиот премиерлигаш му помогна на младиот навивач на клубот, Тим, да ја запознае девојката што ја меркал цела сезона, а што седела неколку реда подолу од него на трбините.

Ѕвездата на Кливленд, Леброн Џејмс во последниот ден од 2014. бил на снимање на коленото и грбот, по што лекарите му наложиле пауза од две седмици. Екипата од Охајо веќе нанижа три порази по ред, по што јавноста се нафрли на тренерот Дејвид Блат, кој игра без Андерсон Варежао.

Не направивме математика што беше најчитано годинава на нашето спортско милениче Офсајд, туку ги собравме на купче разговорите со ценетите Стиков, Адеми, Панчев, Бабунски, Лекиќ, Радичевиќ, Муарем Муарем, Тупан, Стефан Ристовски, Војдан Стојановски, Калински и Зоте.

Навивачите на клубот од Велс за денес организираат марш за враќање на традиционалната сина боја, која сингапурскиот газда им ја смени во црвена заедно со грбот на клубот.

Царот е роден 41-ва во последниот ден од годината. Стапна на „Олд Трафорд“ во 1986-та и се бетонираше до 2013-та. Освои 39 трофеи и тренираше еден куп играчишта, а од нив може да се направи многу подолга листа од оваа.

Германците имаат најдолг 6 неделен зимски распуст. Освен одмор и подготовка за вториот дел од сезоната, ќе можат да фаќаат сеир на најголемиte 10 зицери. Колегата на Новески ископа дупка, Хунтелар се посрамоти во контрата, а Филип Хофман посака голот да е повисок.

Неколку играчи изминатово лето се вдомија по италијанските екипи, но веќе во јануари ќе треба да пакуваат куфери. Дојдоа како засилувања, не играа доволно, по што клубовите решија или да ги позајмат или да ги продаваат во следниов зимски трансфер преоден рок.

Галијани направи добар пазар со позајмицата на Черчи кој не се снајде во шпанскиот фудбал, ниту на тренинг.

Јастребите ја остварија и 24. победа сезонава, откако доцна синоќа по втор пат годинава го совладаа Кливленд, 109:101. Кавалерс играа без Леброн Џејмс, додека Антиќ одново беше стартер и одигра 23 минути.