Нема дилеми за тоа дека Македонија е ракометна нација. Тоа го покажуваат резултатите и успесите и во машкиот и во женскиот ракомет, како на клупски, така и на репрезентативен план. Илија Темелковски покажа како се игра храбро на големите натпреварувања.

Португалските клубови умеат да воспитаат и развијат млади играчи кои потоа ги продаваат за големи пари и тоа не е тајна. Но Бенфика направи чудо за 7 месеци со 6 трансфери.

„Извинете дечки, но веќе нема карти за мојата турнеја 2017“, напиша под видеото на Инстаграм човекот кој важи за најкреативен фудбалер на Манчестер Јунајтед и кој лани беше втор стрелец на екипата зад Ибрахимовиќ. Се надеваме дека ќе го гледаме во Скопје на 8. август.

Со триумф од 24:20 младата ракометна репрезентација на Македонија му удри шамар на домаќинот Алжир и се избори за прво историско мундијалско четвртфинале. Главен творец на големата победа беше капитенот Филип Талески со 8 гола. Успехот е огромен, младите надежи се во топ 8 во свет, а в петок ќе се соочат со светскиот првак Франција. Супер е ова за македонскиот спорт. По фудбалерите до 21 година, херои станаа и нивните ракометни врсници.

По синоќешниот триумф од 1:0, Вардар ќе има многу работа на реваншот во Копенхаген за да се избори за сензација, но резултат е поволен, а љубопитноста голема за да видиме што би се случувало понатаму ако на 2 август добиеме уште еден празник за славење.

Бразилецот Жоел Сантана е човек кој во кариерата бил тренер на 19-ина места а светот го дозна во 2008-ма кога беше селектор на Јужна Африка и даваше интервју на англиски. Пази, на англиски.

Од 1. ноември 2006 до 25. јули 2017. Толку време (речиси 11 години) траеше серијата на примени голови во Лига на шампиони на голманот на ЦСКА и Русија.

На мечот Виктор Ханеску - Микаел Лодра, Романецот ја доби најубавата шанса која што секој тенисер со душа ја чека - прилика за волеј удар. Кога сите аплаудираа на веќе готов поен, тој се реши за нешто друго.

Ако во време на Сеп Блатер фрлаше дрвја и камења по ФИФА, денес Марадона е целосно прибран и пристоен откако организацијата ја води Џани Инфантино. Аргентинецот ја поддржува замислата за видео-технологија и реприза на спорните моменти.

Големото изненадување кое го приреди Вардар во квалификациите од ЛШ, не помина незабележано во странскиот печат. Еден од најпознатите светски портали специјализирани за фудбал направи штос токму од средбата во Скопје.

Еден од најдобрите фудбалери во историјата на ова поднебје, легендарниот ’Жути’ играше во Динамо Загреб, Црвена звезда, Реал Мадрид, Барселона, Овиедо, Севиља, Стандард Лиеж и Портсмут а во кариерата освои 14 трофеи од кои највреден беше оној во Купот на европски шампиони со Дарко Панчев и Илија Најдоски.

Британските медиуми го нарекоа Меси, а други го споредуваат со Златан Ибрахимовиќ. Барселона, Јуве и Милан се дел од екипите кои го бараа на 19 години, но тој деновиве се очекува да направи трансфер во Лацио. Лани нè потопи во Скопје.

Синиша Михајловиќ, 48 години vs Вања Милинковиќ Савиќ, 20 години се пресметаа на последниот тренинг на Торино. Стариот му одржа лекција на својот сонародник и го совлада 3:0, а овој на крај побара измена. Не за џабе Синиша беше рекордер по број на голови од слободен удар во Серија А.

Со оглед на тоа што се работеше за натпревар од висок ризик, УЕФА не дозволи гостински навивачи да патуваат во Белград на 3. квалификациско коло од ЛШ. Но кога ги нема навивачите, мета на Гробарите беа играчите на Олимпијакос кои на полувреме ги гаѓаа со шишиња, по што еден од нив им врати. Инаку Партизан - Олимпијакос конечни 1:3

Во првиот меч од 3. квалификациско коло вечерва во Скопје, фудбалерите на Вардар го победија Копенхаген со 1-0 и со убава залиха ќе патуваат на реваншот во Данска за една недела.

Попладнево пријателска средба играа Баерн Минхен и Челси (3-2) на која што коментаторот направи смешен лапсус. Во 74 минута од мечот Франк Рибери тргна кон аут линијата да се напие вода за време на судискиот тајм-аут а спикерот прочита што пишува на екранот и мислеше дека во игра влегува Дринк Вотер.

За да видиме колку голема поддршка добива Вардар кога се бори да излезе во Европа, доволно е да се потсетиме на шоуто кое го приредуваа нивните најверни навивачи на последните квалификациски средби од ЛШ. Без Комитите, Вардар не е Вардар.

Црвено-црните вечерва играат за голем подвиг, за престиж, за европска есен, но и за многу пари кои би ги заработиле од бонусите на УЕФА.

Тоа што играле сите заедно против Барселона се разбира дека е коинциденција, туку тажно е ова другото што ќе го чуете за нив. Од четворицата играчи кои играле во одбрана на таа средба само двајца се живи, третиот е тешко болен, а четвриот го мразат.

Голем дел од јужна Европа во последните неколку недели се соочува со екстремни температури а во тоа се увери и делегацијата на фудбалскиот клуб Копенхаген веднаш по слетувањето во Скопје.

Проектот „Coca-Cola Активни зони“ е започнат во 2012 година и е дел од глобалната платформа на Пивара Скопје и на компанијата Coca-Cola за промоција на активниот начин на живот.

Кога во 2002-ра навивачите на Селтик го изгласаа најдобриот тим на сите времиња, во напад го сместија легендарниот шведски напаѓач кој е изгласан за најдобар странец на сите времиња во клубот. Денеска се сеќаваат на точно 20 години од неговиот потпис. 242 гола за 7 сезони не се малце.

Меѓународниот рели маратон ’Патот на свилата’ (Silk Way Rally) е годишно рели коешто се вози од Русија, преку Казахстан до Кина.

Пати Шнидер е швајцарска тенисерка која и на свои 38 години игра по разни турнири на кои доаѓа и нејзината мала ќеркичка. Пети ја гледа дури и меѓу сервисите и гемовите.