Се потрошија еден тон придавки за човекот кој го сметаат за еден од најголемите спортисти во историјата, па еден вели вака: Има една планета која се вика Роџер и на која живее само тој.

Еден од играчите со реноме кои го напуштија фудбалот минатата година беше Давид Виља, човекот кој спокојно се пензионираше на 35 години бидејќи освои сè со Шпанија и Барселона. Внимавајте какво решение имаше на средбата Валенсија - Хетафе, одиграна пред пет години. Нема да му текне на секој вака.

Иако го води Милан речиси три месеци, досега никој не забележал за необичната мотивација на Џенаро Гатузо за своите играчи. После секој триумф им дозволува да му удрат по една заушка/чушка.

Махерот на колото, неделата, месецот и годината е веќе познат. Доаѓа од Прилеп и докажува дека 20 утакмици не се многу да ги фатиш во кладилница. Сите ги одиграл 1-2 гола во прво. Со здравје да си ги трошиш 2.567.111 денари.

Сме виделе разно разни видови на пожртвуваност во одбрана, ама да стасаш со нога на 2 метри висина каде што е пречката, треба стварно да си феномен. Со што те ранат тебе?

„Се навикнавме дека тоа е страшно и лошо, но зошто? Кризата е добредојдена. Прав момент да се смени сè од нула. Кога сфативме дека Еибар е мал и сиромашен клуб, тоа ни даде сила и искреност да му ја раскажеме нашата историја на светот“, вели младиот шеф на клубот.

Најголемата легенда меѓу легендите вчера наполни 40 години. Што да се каже и издвои повеќе од човекот кој 6 сезони ги носеше ракавиците на Парма и веќе 17 не ги соблака оние на Јуве. Да оставиме да кажат другите.

Како гром одекна веста дека Златан Ибрахимовиќ дошол во посета на Штип. Спонтано, тивко, со капче на глава, Ибра седнал во ресторан во градот а кој бил таму во моментот, се сликал со него. Што точно ги привлекува Кавани и Златан во нашата убава земја?

По 17 дена ракомет, ЕХФ направи ретроспектива со најубави моменти кои го одбележаа Европското првенство во Хрватска. Во тие 90 секунди влегоа маестралниот погодок на Столе Стоилов без да гледа во голот на Германците, како и верните македонски навивачи.

Манчестер Сити синоќа му гостуваше на Кардиф во ФА Купот. Поведоа „граѓаните“ 0-1 со голот на Де Брујне во 8’ минута, а во 26’ Бернардо Силва упати ракета од 16-ина метри и постигна неверојатен погодок. Линискиот судија крена знаменце веројатно мислејќи дека Лерој Сане од офсајд влијаел врз играта и ја допрел топката.

Речиси да нема коло во Серија А каде сите 20 екипи можат да бидат раат што се однесува до судењето. Понеделничките изданија на весниците стандардно се полнат со бројот на спорни и скандалозни судиски одлуки кои само продолжуваат и не се намалуваат.

На последните 7 средби во Серија А, Рома загуби од Торино, Јуве, Аталанта и Сампдорија, а одигра реми со Сасуоло и Интер, плус нерешениот резултат на заостанатиот меч со Сампдорија. Ќе смрзнат ако продолжат вака.

Вид Белец, голманот на Беневенто не можеше да го поднесе поразот на својот тим од Торино па реши на Нианг да му удри клоца при едно истрчување од шеснаесетникот. Очекувано доби директен црвен картон без размислување. Вид Белец е Словенец, дете на Марибор кој порано беше голман во Интер.

Џенаро Гатузо не е човек како и сите други и од него најмалку се очекува да му каже на некој: „Среќен роденден, голем да растеш“. Водителката Иларија Д`Амико, инаку партнерка на Џиџи беше синоќа во разговор со него, а царот во сред емисија во живо и рече: „Залапај го од мене“. Костакурта се здроби од смеење.

Сезонава, како и секоја досега, се изнадава голови, има многу асистенции и е најзаслужен што Барса направи пресврт против Алавес и од 0-1 победи 2-1. Ама тоа не го брише фактот дека Луис Суарез е најпргавиот фудбалер во Европа. Го казнуваа со месеци, со недели, ама памет не му доаѓа.

Со 8 интервенции сите во вториот дел, Штербик е прогласен за најдобар играч на финалето на Европското првенство. Тој е единствениот ракометар кој ја освоил МВП наградата на едно финале на ЕП и СП. Кој би рекол дека овој човек има 38 години. Рипна од фотеља, и се приклучи на селекцијата на Шпанија пред три дена и ја крена ногата до небо.

По четири сребрени медали и две бронзи, двократниот светски првак за прв пат во својата историја освои Европско првенство. Херојот на Вардар, Арпад Штербик вечерва беше херој и за Црвената Фурија.

Еден од најдобрите играчи на светот дошол во неочекувана посета на Штип каде го забележале во еден од локалните ресторани. Ибра неофицијално во градот под Исарот ќе остане до вторник а има шпекулации дека дошол на лов. Меѓу првите кои се сликаа со легендарниот Златан е и ракометниот репрезентативец Мартин Поповски.

Во чест на јубилејот на големиот Џиџи Буфон кој денес слави 40. роденден, цела Италија му праќа честитки, а Јувентус пушти во продажба ограничена колекција на дресови на легендарниот голман.

Импресиите од машкото Европско полека слегнуваат, па затоа тука се ракометарките на Вардар да нè потсетат на нивниот поход кон круната европски шампион.

За време на фантастичниот викенд во Загреб со кој се заокружува Европското првенство во ракомет, се одржи и ждрепката за следното Светско првенство 2019-та кое официјално ќе се отвори на 10. јануари следната година во Берлин.

Додека Хрватска е домаќин на најдобрите 16 селекции од стариот континент, во Сувон, Јужна Кореја се одржува Азиско ракометно првенство, на кое учествуваат и Австралија и Нов Зеланд. Овие последниве имаат несекојдневно и специфично шоу пред натпревар.