Во 2. коло од квалификациите за Светско првенство, во салата „Мирза Делибашиќ“ во Сараево пред преполни трибини Србија ја совлада Босна и Херцеговина 72:74 после голема драма. И двете селекции играа без своите главни играчи од НБА и Евролига поради веќе одамна познатиот проблем на ФИБА да најде место за квалификации во преполниот календар.

Под наслов „Дортмунд пее Божиќни песни“ на легендарниот стадион „Сигнал Идуна Парк“, во домот на Борусија 73.500 навивачи точно на време за почетокот на Божиќниот Адвент пееле празнични песни.

Наполи ја совлада Рома на гости 0:1 и сега четири екипи на табела се збиени на прва и втора позиција. Милан и Наполи имаат по 27 бода, Интер и Рома по 26. Следуваат Болоња и Комо со по 24. Бразилецот Давид Нерес ја надтрча цела одбрана на Рома, која делуваше бавно и несинхронизирано. Елмас влезе во 80-та минута.

Натпреварот меѓу Ајакс и Гронинген во неделата вечер во холандската Ередивизија бил прекинат после само пет минути фудбал откако навивачите на клубот од Амстердам познати под групата Ф-Сајд запалиле стотици бакљи, петарди и ракети. Сакале да му оддадат почит на неодамна починат 29-годишен нивен член но претерале со пиротехника.

На еден месец од Нова година, навивачите во Германија се веќе во предпразнично расположение. Сигнал Идуна Парк пуштен на најјако.

Со брз гол уште на самиот почеток на дуелот против Архентинос Јуниорс, Бока Јуниорс славеше минимално 1-0 во четвртфинале на аргентинското фудбалско првенство и се пласираше во полуфинале. Стрелец на голот Аиртон Коста уште во 5' минута. „Ла Бомбонера“ згрме.

Реал Мадрид е во мини криза со три нерешени по ред и тоа против Рајо, Елче и Жирона. Со ваков Винисиус, нема зима за нив.

Вардар го растури Шкупи со 6:1 во 15. коло од првата лига и останува лидер на табелата со +1 пред Струга Трим Лум. Хет-трик на Омерагиќ. Комити се собраа во голема бројка за скопското дерби и извадија гиганска кореографија со која ги покрија двете трибини на стадионот Петар Милошевски. На првата стоеше: „Кој не запеал за Вардар?“, а на другата „Комити се ноќна мора“.

Еурофарм Пелистер прокоцка победа против Алкалоид во натпревар на кој имаше +7. Човек на одлука, младиот Иван Галевски кој повторно како лани во финалето од Купот на Македонија, излезе јунак со одбранет пенал во финишот од средбата. Прво ги издржа провокациите од Хосни, а потоа и му го фати ударот за конечни 26:26. И првиот дуел одигран во Автокоманда во септември заврши со реми, 33-33.

Оукленд против Њукасл Џетс, австралиска фудбалска прва лига, во ватерполо фазон по стапките на Силекс - Арсими, пред некој ден.

Четириесет годишниот Леброн Џејмс е еден од најдобрите кошаркари на сите времиња. Има четири шампионски титули во НБА, четири пати беше биран за најдобар кошаркар на финалето, четири пати доби МВП награда за основниот дел од сезоната. Еве што тој вели за Јокиќ.

Трпи оваа компилација уште, ама доволно е сочна за да биде и вака кратка, посебно кога е содржајна со ликови кои се викаат Лино Червар, Веселин Вујовиќ и Жељко Обрадовиќ.

И покрај тоа што поминаа 10 години откако играше за Атланта Хокс, Перо Антиќ не е заборавен лик во НБА. Џеф Тиг го издвојува како еден од најкул соиграчи и раскажува како во ситуација кога бил сам да реши натпревар, тој не му ја подал, туку се решил за тешка тројка преку играч и тоа со една нога.

Секое дете треба да има еднакви можности да спортува. Министерството за спорт со поддршка за проектот „Фудбал за секое дете“.

Пред претпоследната трка на сезоната во Формула 1, во Катар, најдобриот тенисер на сите времиња според многумина, Новак Ѓоковиќ добро се забавуваше со познатите пилоти од Ф1. Србинот потпиша маркетиншки договор со една авио компанија од Катар кој е еден од спонзорите на трката за Големата награда на Катар па Ноле бил присутен таму во квалификациите. Во слободното време им држел мал тренинг.

Попладнево во Кратово на крајно лоши услови за фудбал, по целосно наводенет терен играат Силекс и Арсими. Фудбалерот од БиХ, Миљан Говедарица имаше пред себе цел празен гол ама го промаши. Ова е дефинитивно промашен зицер на сезоната во Првата македонска фудбалска лига. На теренот како да се играше ватерполо а не фудбал па Говедарица како да сакаше со кревање на топката да избегне таа да застане во вода пред голот.

Константинос Карецас е роден во Генк во Белгија во ноември 2017-та година. Пред само неколку дена станал полнолетен. Игра во матичниот роден клуб каде ги поминал сите возрасни категории и стигнал до прв тим. Сезонава во Лига Европа има 1 гол и 2 асистенции на 5 натпревари. Настапува за Грција за која на 9 настапи има 3 гола. Проценет е дека вреди 23 милиони евра. Синоќа даде еврогол во победата на Генк над Базел 2-1.

Кошаркарскиот свет зборува и се чуди на финишот на Литванците кои со три тројки за 10 секунди ја добија Велика Британија. И додека ФИБА на Твитер потсети на такви слични луди сценарија со Реџи Милер (1995) и Трејси Мегреди (2004), нас ни текна на Перо Блажевски.

Бразилецот Антони стана право мало фудбалско чудо во Бетис. Го живна овој тим кој му ја препороди кариерата по катастрофалните настапи во Манчестер Јунајтед. Дава голови, асистира, ама знае со некој глупав потег да се обрука. Како на пример синоќа на дуелот Бетис - Утрехт (2-1) кога со глава го удри противничкиот фудбалер Ел Каруани.

Дваесет и девет годишниот шведски фудбалер Виктор Едвардсен од холандскиот клуб Го Ахед Иглс синоќа со рака покажувал на својот нос со цел да го исмее носот на противничкиот играч од Штутгарт Анџело Штилер. Соиграчите на Германецот веднаш му се пуштија.

Давид Раја на мечот против Баерн се истакна со додавање, кое гориме од желба да го видиме од сите агли. И тоа на тацна го најде. Нема рогање, нема паника. Погледнете ја оваа уметност.

Џонс Ел Абделауи е роден во Норвешка, но поради потеклото игра за Мароко У-20, а член е на Селта. Шпанскиот тим загуби 3:2 на гостувањето против Лудогорец, а мечот заврши со ремек дело на 19 годишникот во 96-та минута. Ептен јако и атрактивно ја финишираше.

Стадионот Ренато Дал'Ара е тазе реновиран и идеален за тренирање, уште во подтрибинскиот простор, барем што се однесува до трчањето. Човек да се измори додека да стаса до теренот.