Фудбалерите на Динамо Загреб слават историски пласман во осминафиналето на Лига Европа. Овој тим го красат не само Хрвати, туку и многу интернационалци како што може да се забележи по знамињата. Капитен е македонскиот репрезентативец Аријан Адеми. Браво.

Фудбалер на Атлетико Национал се бореше со стативата на празен гол во Копа Либартадорес. Тренерот од мака колено си исчаши.

Бафетимби Гомис, некогашниот шпиц на Лион и Галатасарај, сега игра во Саудиска Арабија. Таму дава голови ама ги слави со истата прослава како дива мачка. Синоќа постигна гол и го исплаши детето што собира топки со неговата необична прослава. По натпреварот му го подарил дресот на малиот и колку толку го смирил.

По очајните игри, случајот со Икарди како да ги подразбуди фудбалерите на Интер кои газат во Европа. Сари попушти под притисок и му даде шанса на малиот Хадсон-Одои кој му врати со убав гол против Малме.

На белгиски Генк не му требаше многу за да го отвори резултатот на реваншот со Славија Прага. Кум на тоа водство беше гостинскиот голман Колар кој направи голема глупост по што Тросар лесно даде гол.

Фудбалерите на Зенит вечерва во реваншот од Лига Европа го совладаа Фенербахче со 3:1 и ја анулираа негативата од Истанбул, па заслужено одат во следната фаза. А големи заслуги за тоа имаат и навивачите на рускиот клуб кој преубаво ги испратија до стадионот.

Со капитенска лента околу раката, Аријан Адеми го предводеше Динамо во убедливата победа над чешки Плзен и со „модрите“ оди во следна фаза каде одат уште и Арсенал, Виљареал, Наполи, Салцбург, Валенсија, Зенит, Ајнтрахт.

На вечерашните средби во Лига Европа во Милано не треба да се пази само Интер, туку и манекенките во Милано, бидејќи доаѓа фудбалер со двојни намери. Сака да погоди нешто и надвор од терен.

Валенсија вечерва игра реванш против Селтик во Лига Европа, а шкотските навивачи вообичаено во голем број отпатувале да го бодрат својот клуб. Ама шпанската полиција им ја прекинала забавата. Синоќа биле уапсени шест Шкотланѓани поради нарушување јавен ред и мир.

Во пресрет на реваншот од Лига Европа меѓу украински Динамо Киев и грчки Олимпијакос, клубот од Пиреја излезе со официјално соопштение до своите приврзаници, во кое бара стриктно да се држат до некои совети, за да избегнат неволји.

На денешен ден пред точно 15 години Милан и Интер имаа нерешен резултат 2:2 до 85 минута, се додека Кларенс Сидорф не реши да испука еден топ кој ретко се гледа. Како ли само го изведе овој удар од толку далеку?

Окта, Вип и Пекабеско славеа победи во третиот ден од 13. коло во Бизнис лигата на Македонија.

За ваков мангуплук треба своевидна фудбалска интелегенција. После потегов не треба да играат веќе, нека се разодитат.

Романскиот клуб Поли Јаш се наоѓа во зоната за разигрување за опстанок во првата лига. Бодови им требаат како лек, па затоа на тренинг им дошла група „молдавски разбојници“ да ги поддржат пред мечот во сабота со лидерот ЦФР Клуж. Клубот е од реонот Молдавија.

Секоја чест на петте титули во ЛШ, петте Златни топки, рекордните 450 голови за Реал, рекордните 121 во ЛШ и ред другите фасцинантни успеси кои ги постигна со ненормалното темпо на работа и труд, ама тоа не значи дека си го допрел Господ за муда.

Ова е првата нокаут фаза во историјата на Лига на шампиони во која се користи технологијата на видеоповторување. На првите средби меѓу Атлетико и Јувентус, како и Шалке и Ман. Сити имаше неколку прегледувања на спорни моменти.

Најголемиот проблем кога играш против Атлетико под водство на Симеоне е да му дадеш гол, особено дома. Oна „Битно да не примиме гол, а дадеме барем еден“ кај нив е светост. Шест сезони им успева.

Не му е прв, а со оглед на неговиот бурен темперамент, ни последен пат да се фаќа за јајца и да демонстрира машкост.

Пред дербито Ривер - Расинг Клуб, еден навивач на Бока отишол да џогира (намерно или не, не знаеме) во дрес на неговиот омилен клуб и тоа во близина на стадионот „Монументал“. Толку требало за да го нападнат.

Осминафиналето меѓу Атлетико и Јуве беше многу содржајно. Покрај двата гола, имаше два пати ВАР, глумење, провоцирање, како и многу јаки шанси кои ги скротија голманите. Погледнете Шчесни што му фати на Гризман. Со прсти спречи водство на домаќинот во 53-та минута.

Парите и славата некогаш не се пресудни во изградба на карактерот. И покрај тоа што во моментов важи за еден од најплатените фудбалери и најголеми таленти во Европа, Лерој Сане не заборавил од каде потекнува.

Прво најавува дека целта им е Лига на шампиони, а после се легачи на терен и глуми дека е повреден, ама по потреба. Прво ѕиркаше да види како ќе заврши акцијата, па откако виде дека е гол следуваше реакција: Мамо ме удрија, боли многу. До кога со вакви фори на толку камери. 

Триесет и четиригодишниот Португалец не можеше да оддолее на жестоките свирежи од „Ванда Метрополитано“ стадионот во Мадрид, па со прсти им покажа на домашните навивачи колку титули во Лига шампиони има освоено.

Пари Сен Жермен јуриша кон титулата во Франција. Синоќа со 5-1 го прегази Монпеље а стрелец на еден преубав гол беше Анхел Ди Марија и тоа при резултат 1-1 пред крајот од првиот дел.