Екстра талентот на Бенфика, Жоао Феликс кој збрца три комада во ЛЕ има само 19 години, возраст на која некои уште собираат топки зад гол. Но во таа улога се наоѓа неговиот помал брат Хуго со кој Жоао заедно викендов прослави гол и му го исполни срцето. Плус уште пола тим влета кај малиот. Многу убава сцена.

Во пресрет на вечерашниот реванш од четвртфиналето на ЛШ меѓу Јувентус и Ајакс (првиот меч заврши 1:1), ќе се потсетиме на еден момент од нивниот двомеч пред 12 години.

Емполи грчевито се бори за опстанок во Серија А, а во понеделникот вечер голманот Бартломеј Дронговски им донесе драгоцен бод против Аталанта (0:0) на гости. Тимот од Бергамо имаше 32 шута од кои дури 18 во рамки на голот на Емполи!

Секоја чест на сите карате потези на Златан, ама на ова ремек дело сигурно и тој би бил горд. Овде и самиот играч можеби по малку не е свесен каква чудесија од потег направи, а тој па што го чува е комедии. Појма нема каде е топката.

Арсенал синоќа освои многу важни 3 бода во битката за ЛШ и сега е четврт со ист број бодови, но подобра гол разлика од Челси. Победата ја остварија благодарение на несмасниот голман на Ватфорд. Ај бе бегај ја ќе бранам, знаеше да му рече шпицот на голманот за вакви грешки на игралиште во маало.

36 годишната гол машина на Сампдорија освен што се вклучува на терен и гази во италијанско на стари години (за напаѓач), освојува срца и на навивачи оддалечени илјадници километри од него.

Додека Елмас блескаше во големото турско дерби, Адеми стрелаше по паузата, а Нестогол го стигна Кавани, низата успешни настапи на македонски интернационални овој викенд ја продолжи и Тричко, но за него голот беше посебен.

За време на мечот Барнли - Кардиф (2:0) се случи една смешна епизода меѓу двајца играчи кои добија жолти картони иако не направија ништо страшно.

Дечково се вика Хирам Боатенг. Игра во Ексетер (2 англиска дивизија или 4-та во хиерархијата). Во саботата неговиот тим со 2-0 го совлада Порт Вејл, а голот што го даде Хирам беше можеби најубав во сите европски лиги сезонава.

Уште од 2012-та година и епскиот гол на Серхио Агуеро против КПР во 95’ минута за титула на Манчестер Сити, сезоната во Премиер лигата не била вака енигматична. Како стојат работите, Ливерпул и Сити ќе се борат со последна секунда за вредниот трофеј.

По седмата титула на Австралија опен, Новак Ѓоковиќ направи супер забавна прес конференција, имитирајќи еден италијански новинар како зборува англиски јазик. Ете го истиот кај Ноле на прес пред турнирот во Монте Карло. Прво му фрли два збора на италијански „Како си пријателе?“, а потоа го потсети на „not too bad“.

На големото дерби во Бугарија, Левски изгуби дома од Лудогорец со 0-2, а стрелецот на вториот гол, Романецот Моци откако погоди од пенал застана да слави пред домашните навивачи и толку требаше. Влегоа во терен, прекин на мечот, а еден скокаше и врз тунелот кон соблекувалните.

Виетнамска фудбалска лига. Играат Хаи Пхонг - СХБ Да Нанг. Мечот завршил 1-1, а чудо е и како воопшто завршил ако се погледне какви погубни стартови имало.

Кога дојде од Хрватска, кога успеа да стане капитен, па уште и да влезе во историјата на сицилијанскиот клуб. На македонскиот голгетер му беа потребни само три сезони да влезе во друштво на најдобрите 10 стрелци на Палермо. Респект.

Норвешката прва лига ни го носи најчудесното и најсреќното расчистување од гол линија. Како успеа ова да го изведе фудбалеров веројатно ни сам не знае. Ова во некое финале да се случи, неколку инфаркти може да има во публика.

Марко Верати е метро и желба за растење, 165 см има, ама за ова не треба да имаш висина, туку мозок и умешност. Погледнете каков курназ излезе, двајца не можеа да му ја земат. Плус тука имаш и тегнење, држење за рака, ама џабе.

Во период кога веќе тешко е да се следат сите медиумски написи за тој колку пари нуди за македонскиот бисер и каде ќе ја продолжи кариерата, тој постигна гол во големото турско дерби меѓу Фенербахче и Галатасарај кое заврши 1:1. Одлично се снајде во шеснаесетник 19 годишниот репрезентативец на Македонија.

Погледнете Деки колку внимателно следеше и пожртвувано реагираше во оваа акција на Исланѓаните, а ја заврши Борко со оние најслатките голови без никој да се поти во напад. Одлични и двајцата.

По израмнувањето на Исланд во финишот, останаа само 3 секунди напад за нашите ракометари. Брестовац свика тајм аут, но беше свесен дека за толку кусо време не може да се даде гол. Ја шутнавме од центар, голманот ја одби, па Гоце ја заби. Сликава ко да кажува дека требале да ни го признаат голот бидејќи на секунда до крај топката е на гол линија. М? Што викате?

Серијата на капитенот на Палермо и голгетерот на Македонија не престанува. Овој пат жртва е ланскиот довчерашниот прволигаш Беневенто против кој Палермо поведе на гости во 42-ва минута. 12-ти погодок сезонава за Нестогол. Мајстор е со тоа левицата.

Македонската ракометна репрезентација освои важен бод на вториот меч против незгодниот скандинавски противник со што ја задржа челната позиција во квалификациската група за ЕП 2020. Повторно драма, но во оваа за влакно ни избега победа.

За време на мечот Јени Малатјаспор - Аланјаспор, Абубакар Камара, шпицот позајмен од Фулам во Малатјаспор при резултат 1-0 ја сруши физиката и сите нејзини закони. Гостите брзо потоа израмнија на 1-1.

Во големото дерби на втората македонска лига меѓу Тиквеш и Вардар Неготино, домашните славеа со високи 4-0, а момент на мечот беше чудесниот гол на Андреј Лазаров кој прими една топка надвор од шеснаесетникот и направи дар-мар пред голот на Иванов.

После поразот од 5:0 против Баерн, многумина мислеа дека Дортмунд ја изгуби шампионската трка. Во 29' коло од Бундеслигата, Борусија го пречека Мајнц и едвај го совлада со 2-1 со головите на чудесниот Жадон Санчо. Ама најзаслужен за трите бода е голманот Роман Бурки кој во 87' минута со три чудесни одбрани го сочува водството.