Независна новинарка која во „мирни времиња“ (во Газа никогаш не се мирни времиња), разговарала со обични луѓе во Израел, била шокирана со каква леснотија застанувааат зад геноцидни идеи. Не се држени во мрак како во Северна Кореја. Напротив, знаат што се случува, гледаат како страдаат деца и невини и - го одобруваат тоа.  Ѝ дошло да се истушира за да ги спере од себе сите гадости кои ги слушнала.

Нашата ментална стабилност се одржува благодарејќи на тоа што сме површни (ок, и што не се  дружиме со сељачаана). Да се нурнеме во сите езотерии на физиката, има да ни летне петлето. А сè започнува со една банална констатација - сè на овој свет се состои од атоми. Пих. Ама потоа се оди во подлабокото. Да го исфрлите празниот простор од сите атоми од кои е составен човечкиот род ќе ви остане - колку коцка шеќер. Гад дем!

Како најголем ропак, Трамп ја коментира оставката на директорот на американскиот Центар за контра-тероризам, Џо Кент, дадена поради несогласување со војната со Иран. Дечкото не сум го сакал многу ама ми беше жал, два пати не го изгласаа па да му дадов да работи нешто... Го вика и ова: „Жена му беше убиена а тој БААГИ БРЗО СЕ ПРЕЖЕНИ“ (?!) Ви се верува ли каков шабан е тоа?

Популарниот цртан со морнарот кој ја добива силата од спанаќот стартува на почетокот на 20-тите години на минатиот век и се темели на „научната вистина“ за високата содржина на железо во спанаќот, нешто што со години се користеше за да се убедат деца да јадат од тоа зеленото (кое сепак не е лошо во пита). Само што таа научна вистина е дебела грешка, уште тогаш стара со децении. 

Вакво предвидување нуди пензионираниот американски полковник, Лоренс Вилкерсон, некогашна десна рака на Колин Пауел. Проценува дека Израел ќе лизне во некаков апартхејд, отфрлен од светот како некогаш Јужна Африка. На времето, цел генералштаб го има советувано ХариТруман да не го признава, бидејќи со толку многу антагонизирани Арапи околу него, Израел претставува стратешки хендикеп.

Колумнистката Мелани Филипс (екс Гардијан, лондонски Тајмс, Спектатор...)  ја дијагностицира актуелната состојба на Западот каде поради идеологиите, протерани се фактите, објективната реалност и рационалноста. Ништо не смее да застане на патот на замислениот совршен утописки свет: дека мулти-култи ќе ги елиминира предрасудите, дека зелените агенди ќе ја спасат планетата... Кој извади докази против тоа, го јадел.

Во војна поелсно е да се гледаш себеи како жртва отколку како злосторник. Постои ли индидивуална вина или пак колективна вина? Кому му е гајле. Важно дека светот се претворил во „пекол“ и дека по некое време повторно ќе стане „добар“. Еден од убијците кои ги познавам има внука. Среќен е. Видов солзи во неговите очи.

Лоша (и стара) вест: Лани се разотидоа Васко, Раде и Дени од 21-от век, еден од најавтентичните бендови на овие простори, финиширајќи го материјалот за новиот мини ЛП. Добра (и тазе) вест: На Васко Бумбикс, најжилавиот фајтер во македонскиот музички ринг, му било жал песните да пропаднат и да не ги чуе уво па ги понуди на „нека се весели народ“. На човек да му е криво што нив ги нема а некои офтики упорно го рециклираат својот неталент.

„Дали мислиш дека Израел има право да постои?“ Ова прашање - замка често се користи од страна на про-ционистички кругови, особено оние кои правото на Израел го извлекуваат од библиски референци за ветената земја и избраниот народ. Но, Такер Карлсон не паѓа лесно во замки. Правата вредат само ако се универзални. Ваква лекција немаме видено уште од она фамозно интервју на Џордан Питерсон за Канал 4.  

Да потсетиме на овој легендарен момент, кога Ace of Spades од Моторхед беше изведена во катедралата Свети Мартин во холандскиот град Веерт. На гитара ама и на кариљон, црковен клавир кој функционира со оние огромни лиени ѕвона. Моторхед на 20.000 кила железо? Е, тоа е хеви метал! 

Доналд Трамп во 2020 година: „Потрошивме осум трилиони долари на Блискиот исток а не ги поправаме патиштата во нашата земја? Колку глупо! Колку глупо е тоа?? И не ги поправаме нашите тунели, нашите мостови, нашите болници, нашите училишта? Па тоа е лудило.“

По многу реални проценки, Трамп и Нетанјаху имаат различни проекции околу нивната идиотска војна. Трамп би сакал да може да заврши што побргу (му доаѓаат избори, ако го изгуби Сенатот, толку од неговото шерифување) а Биби би сакал да трае до бескрај. Проф. Мершајмер вади занимлив детал: Трамп тајно му дозволил на Техеран да продава нафта (за да се држи цената под 100 долари) ама Нетанјаху намерно удри по најголемите гасни полиња во Иран. 

Мјуриел Евелин Клиз, мајката на Џон Клиз од Монти Пајтон, поживеа убав и долг живот, послан во 19-от и 20-оt век, за да почине на почетокот на новиот милениум, во 2.000 година, еден ден откако наполнила 101 година. Синот често ја спомнува во емисии но знаел да ја искористи и кога беше жива, а тој и дружината само што го биле снимиле филмот Житието на Брајан (1979).

Иранската стратегија во случај да биде нападнат од САД и Израел одамна беше позната. На Техеран му е јасно дека Америка e воено супериорен ама затоа може да ја запали чергата регионално, со блокада на теснецот и со напад на околните американски сојузници и нивните бази. Трамп сега демек се чуди што овие нападнале соседни земји. Вика, биле шокирани од тоа. А ние па му веруваме.

Воведени од 2022 а задолжителни од 2024 година, правилата на филмската Академија која го организира Оскарот велат дека во трка за најдобар филм НЕ МОЖЕ да се најде филм кој НЕ исполнува два од четирите услови поврзани со диверзитет и инклузивност (глумци, екипа и приказна). Што на расна и етничка основа, што на основа на „недоволно претставени“ групи. Да беше така последниве 80-тина години, ќе беа елиминирани легендарни филмови.

Потпирајќи се на сведоштвото од прва рака на доктор Пол Офит, своевремено цензурираниот Брет Вајнстин упорно ги прашува оние кои во меѓувреме сменија дрес во врска со ковид вакцините што мислат за тоа што Фаучи и сите главни играчи кои тврдеа дека природниот имунитет не е доволен туку ни требаат и вакцини и бустери (чии долгорочни нуспојави допрва се гледаат), ама тоа ѝ го премолчеа на јавноста жестоко напаѓајќи ги оние кои мислеа поинаку.

Во шоуто на Грем Нортон се раскажува вистинска случка неверојатно слична со приказната од филмот на Дарко Митревски. Не само што починала баба во една земја (Мозамбик) а редно било да ја вратат дома (во Јужна Африка), не само што било процедурален проблем да се префрли преку граница, не само што ја завиткале во килим, туку и кога минале граница, тркнале во првиот ресторан на пијачка, да смират нерви. А потоа, знаете што се случило.

Не му преку глава од самата ВИ туку од сите оние шупци што ја користат за глупи видевца за фејк воени ситуации, тепачки, приказни со миленичиња. За тоа ли се смисли таа прекрасна технологија бе абдали? Запамтете, ТОА е турбофолк. По дефиницијата на Рамбо Амадеус, турбофолк е културен феномен кога „примитивноста ја користи технологијата за да ги стимулира ниските инстикти на масите“.  

Што на прва може да ви текне за Марина Абрамовиќ? Пионерка на перформанс уметноста, легенда на современата сцена, храбра визионерка со спектакуларни, интерактивни и револуционерни дела кои ги преиспитуваат границите. Што на прва може да ви текне за Драгомир Деспиќ попознат како Десингерица? Сељачиште и ропак. Евентуално: тешко сељачиште и ропак. Ама, не сте свесни колку на слична фреквенција можат да бидат овие два света.

Приказната за младата и шармантна девојка од една американска недојдија од 700 жители во Тенеси е поучна по многу линии. Хали Велч преку ноќ стана популарна, преку ноќ стана богата, ја намирисаа преварамти, ја искористија нејзината популарност, луѓе изгубија животни заштеди а таа се повлече на неодредено. Сега е вратена, онаму кај што викаше дека никогаш нема да отиде.   

Руските мајтапџии го насамарија Реза Пахлави кој е изгорен на бел коњ да се врати во земјата од која во 1979 година избега неговиот татко. Му се претставиле како советници на Фридрих Мерц, едниот нив по име Адолф (ќе го видите) за да проверат дали е спремен да го пополни политичкиот вакуум во Иран. Епизодата со Заев нам сепак ниостанува најјака пошто на крај тие не му дигале телефон кога почнал да им досааѓа.

За Маванг знаеме само дека е од Индонезија. За песната пак, немаме идеја како е настаната, што е мотивот и слично. Да замислиме едно можно сценарио: Маванг изел нешто бајато тоест расипано. Почнало да му се гади, да му се бурботи во мешето. Сакал да го овековечи тоа чувство, иако немал баш готов текст. Нема врска, еве го чувството. 

„Храбриот“ Трамп уште нема сила да признае и да изрази жалење за оние кутри 165 (сто шеесет и пет!) ирански девојчиња на возраст од 7 до 12 години што загинаа во ракетен напад на нивното училиште. Подмолно, не еднаш туку двапати, за да се дотепаат оние кои преживеале и оние кои дошле да им помогнат. Ќе го прогонуваат ли тие нивни лица до крајот на животот? Не веруваме ама многу сакаме да е така.

Рамин Џавади (татко Иранец, мајка Германка) е роден во Дуизбург, Германија, со summa cum laude завршува музика на Беркли во Бостон, под менторство на Ханс Зимер. Ја потпишува музиката на Iron Man, Westworld, Pacific Rim и House of the Dragon, но најпозната му е онаа од Игра на троновите. Овојпат, со дополнително локализиран аранжман на Реза Саџади, изведен од девојки на удирачкиот инструмент даф.