Соголена од инструменти и пратечки вокали, песната „I Heard it Through the Grapevine' оставена само на еден од најубедливите Мотаун гласови на сите времиња, гласот на Марвин Геј, човекот кој загина од раката на својот татко.

Во западниот свет оваа дупачка завршува или со смеење или со по некоја збунета фаца. Во арапскиот тоа се доживува малку посериозно.

Во идеален свет, или вие би го разбрале секој збор или ние би ви понудиле комплетен транскрипт од мислењето на Џејмс Шоу за македонскиот документарец Медената земја. Бидејќи овој свет таков не е, само ќе ви кажеме: му се свиѓа. 

Марвел филмовите се достигнување по повеќе сериозни основи дури и без да се земат предвид компјутерски ефекти и камери. Она што нас нè воодушевува е организацијата, поточно што некој треба на секој од овие да им каже што да прават, и сите заедно, кореографирано, да го послушаат него. За нас на пример организациски успех е да пуштиш некого во продавница по 3 работи, а да не ти се врати со една заборавена и една згрешена.

Следете го својот сон, држете со до она што навистина го сакате, чувајте ја својата страст... се дел од оние пораки кои познати лица често им ги упатуваат на штотуку завршени студенти, продавајќи им го „лажниот американски сон“ кој ќе го имаат само малкумина. Едноставно, многу работи кои постојат на пазарот се просто одвратни и се сведуваат на тоа да продаваш нешто и да правиш пари за газдите.  Оттука, оние чиј идентитет и смисла на постоењето се сведуваат на нивната работа, да не се чудат ако еден ден ќе се почувствуваат некако прегорени.

Изгледа како да се на погреб или пак оддаваат едноминутно молчење за некој починат, но не е тоа. Луѓето не се простуваат со некој што заминал, туку помагаат некому да остане.

Тројца FX артисти коментираат добри и лоши страни на филмски сцени кои се работени со компјутерска графика. Се разбира, махерите имаат неверојатно чувство за детали но најфасцинантно е што нè потсетуваат на кои сè „ситници’ треба да се мисли и работи за една сцена да изгледа уверливо.

Ако не го, треба да го знаете Арон Краскал. Тргна со смешни онлајн видевца на разни платформи за денес да работи со Кевин Харт и слични. Има неколку добри рубрики, оваа ни е омилената: кога зборува по телефон за да ги шокира оние кои несакајќи го слушаат.

ЈНА своевремено побарала од словенечкиот режисер, камерман и директор на фотографија Карпо Година (инаку, роден во Скопје), да им направи прописен војнички филм. Карпо ги зема парите и им го прави ова - малтене хипи - филмче, потег за кој требало многу кохонес.

Клипот е на DuckDuckGo, интернет пребарувачот кој држи до тоа дека е посветен на штитење на приватноста и на тоа да не ги профилира корисниците за да им ги филтрира резултатите на нивните пребарувања. 

Британски Канал 4 собира сила да ги прочешла критиките што ги добива од гледачите за од нив да извади нешто малку од малку воспитано што може да се искористи за маркетинг и ги става во реклама, и тоа многу успешно.

Дали ќе ги начекавте во Драмски театар, во Антички во Охрид, во Битола или каде било, Влатко, Бодан, Кокан и Гаро правеа концерти кои се слушаа во еден здив. Да ги ѕирнете коментарите на Јутјуб, да видите што е тоа консензуалност, од Хрватска до Африка.

Ти го мислиш Паспаљ дреме на некоја плажа во Шпанија, индексира што сè поминува по песокот, стратешки позициониран на некој шанк, ама не, човекот има и попаметна работа. Паспаљ (кошаркарската легенда со сите свои светски злата, слава и пари) два месеца, сам самцат, те со косилка, те со мотика, те со ножици, го средува заедничкиот двор пред зграда, за себе и сите комшии. Става и кош, само сега нема кој да игра, или сите се старки или се многу мали. Александар Ѓорѓевиќ, Дејан Томашевиќ и српскиот кошаркарски сојуз го средуваат ова.

Пред три години ова му се случи на Скопје, кога за неполна минута го потопи цел град. Снимкава е од некој сличен настан и прилично e вознемирувачка без разлика колку е направена од далечина. Тоа долу е цел град, тоа горе се на прва регуларни облаци.

Мада ако јадете од тој тиква патлиџанот од супермаркети веројатно не треба ни најмалку да се потресувате околу вкус на патлиџан бидејќи одамна се имате откажано од истиот. П.с, и путер не е за во фрижидер, ама за тоа друг пат.

По зголемениот меѓународен притисок во врска со рекордниот број пожари во Амазонија и ветувањето на Болсонаро дека, ако треба, ќе биде испратена војска, тој, како да ви кажеме, го исполни ветувањето. Еуроњуз тврди дека против илјадниците пожари кои секојдневно ги голтаат шумите, бразилскиот претседател испратил - дури два авиона за гасење.

Не може една норвешка битанга да биде толку наапана и непријатна колку што двајца норвешки полицајци можат да се изнасмеат на неговото пиздење. Па уште и кога овој ја скрши пластичната чаша што му ја дале, полицаецот му вика дека ќе му донесе друга. А чисто за контраст, ќе тркнеме и до САД.

Вицовите се неодвоив дел од она што го предава и пишува словенечкиот социолог, филозоф и културен критичар. Според Жижек, вицовите знаат да откријат големи а и непријатни вистини, суптилно да отсликуваат парадокси, или да дадат свежина во погледот кон работите. Толку ги има кажано, што ги има доволно да се издаде книга само од неговите вицови.

Од што немаат којзнае колку работа, на полициска патрола од Нов Зеланд ѝ се видело дека еден инвалид премногу шишка со количката. Стариот (Чарли Дурам, 60 години, две ампутирани нозе) не само што не им застана туку им покажа пар јаки дриблинзи. Најбавната полициска потера на светот беше проследена со гласно навивање за бегалецот.

Популизмот е во пораст затоа што денешните либерали, би рекол мојата страна, бидејќи сум либерал, стaнаа комплетно неподносливи, вика Пирс Морган, и тоа кај Бен Шапиро, човекот кој безмалку му ја запечати кариерата во САД. Не можеш да водиш Оскар бидејќи пред 10 години си кажал некој виц. Па не можеш да добиеш Оскар затоа што си имал некоја мана. Либералите создадоа една празнина во која никој ништо не прави, никој на ништо не се смее, секој се плаши да нè навреди некого....

Да, го има, многу е вистински, а и не е лошо платен (со награден фонд од околу 500.000 долари). Истите овие што кај нас ги наоѓаш со врски како што некогаш требаа за Шенген виза, па после со поп вклучуваш два штекери одеднаш, во САД се натпреваруваат кој побрзо може да комплетира инсталација, и тоа се пренесува со иста жестина и фори како да е нормален спортски настан.

Од средбата Макрон - Џонсон извадена е една фотка која од сега ја предвидуваме дека вечно ќе биде користена за ругање на овој вториот. Плус, фотката доаѓа со мајсторски добар сеир, па нема зошто да не остане тоа така. Видеото од истиот настан, покажува колку малку треба за некои моменти да станат вечни.

Саде жени да ти прават трибјут албум и тоа додека си жив, покажува дека лежерноста на еден маж може да го однесе подалеку отколку да бил еден од оние што запнуваат.

Кога градежник ќе каже „секој еден совет што ни го дадоа најголемите умови и најпаметните инженери и математичари, едноставно не е точен“ можеш да бидеш сигурен дека следен пат кога ќе го спомнат медиумите ќе биде со „катастрофа“ во насловот.