Неколку основни насоки за тие што се занимаваат со какво-такво одржување на тревник:

- Треба да се коси најмалку на 8 сантиметри висина.
- Искосената трева врши работа на тревникот, ама не во топки, туку треба да се расфрла.
- Ножот на косилката треба да се остри на секои 5 косења.
- Треба да се коси еднаш неделно (во различни правци).

Ворнер брос најавија дека годинава ќе пуштат нова серија со легендарните Луни тјунс цртани и дека имаат вкупно околу 1.000 минути нови анимации со Багз Бани, Дафи Дак, Порки Пиг и другите ликови од оваа дражесна банда. Од она што го видовме, Џак Џонс може да биде горд.   

Тајмлапс видео од тунел направен под автопат во Холандија. Видеото трае триесетина секунди, во реално време проектот е изведен за два дена. Ова треба да е бенчмарк за влегување во ЕУ а не името да ни го менуваат.

Хероината во ова видео реконструира еден спектакуларен потег кој досега можеше да се види само на филмови. Од чамец во движење се качуваш на мост па потоа од мостот се враќаш на истиот чамец. Во случајов, најспектакуларен е крајот.

Годината е 1985, а Советскиот Сојуз решава сериозно да се позанимава со здравјето на своите жители. Една од мерките се и телевизиски програми со вежби по аеробик и ритмичка гимнастика. Меѓу нив е и епизодата со балерината Лилија Сабитова, нејзината весела дружина и ужасна (холандска) музика од 80-те.

Ако ова е вистина и стварно вака може, којзнае кои други работи во животот ги пропуштаме и не сме свесни за тоа.

Седеше во виљушкар па му тргна јахтата. Отрча кај јахтата па му тргна виљушкарот. Отрча кај виљушкарот и да, пак му тргна јахтата. Некогаш е најпаметно од кревет да не стане човек. Само еден плафон има кој може да му се сруши на глава.

Го памтите оној охридски грдоначалник кој цела година имал читано говори препишани од неговиот претходник? Принципот важи и во многу поопасни варијанти.

Не се боцкаат сите, ама тие што се боцкаат обично молчат за тоа и не признаваат. Пред да почне човеков да објаснува (14 години вежба, 7 со стероиди) да го разбиеме главниот мит околу стероидите: лежење дома и боцкање нема ништо да смени околу твојот изглед, пак треба многу дисциплина, многу и редовно вежбање, и правилна и редовна исхрана. Друг мит е дека има начин како да ги земаш а тоа да не биде штетно.

Јасно е дека колата немаше никакви, ни најмали, најмали шанси против тоа железниот ѕвер, ама никој не очекуваше вакво скоро па атомско распрнување на возилото.

Рипнасмо у воду, како жабе у Студену Бару. “Гњури брате“ – вика ми он. Какво црно гњурење, ја одвај с’с лејке се научи да пливам к’д ме водесва мои да се бањам у Криву реку куде бабу и деду на село. Давимо се ми, г’лтамо воду, м'латаримо с’с онија руке и ноге, едвај отидемо на друг крај на плажу.

На 13 јуни 2017 година почина Анита Паленберг, „шестиот член на Ролингстоунс“, како што многумина ја нарекуваа.

На Телеграм, апликацијата за пораки, неколку пати деновиве му се случи куршлус заради кој сервисот беше прекинат. Причина за ова беше ДДОС напад кој се верува дека доаѓа од Кинезите бидејќи апликацијата е користена за организирање на масовните протести во Хонгконг.

Во договорот за филмот „Ангели и демони“ Сони му вметнува на Хенкс дека ќе мора да се појави и да држи говор на ЦЕС конвенцијата. Том Хенкс најпрофесионално се појавува, и најпрофесионално го трола Сони веројатно како никогаш во историјата, имајќи спектакуларно добар настап на кој не штеди ни најмалку од својата маестралност.

Во моментов, не се работи на подигнување на мостот туку на спуштање на нашата височина. Фала на прашање, одлично оди работата. 

Не можеш ти да бидеш толку лош шофер, колку што возач на трамвај може да биде искулиран и незаинтересиран за тебе.

Во прашање е напредна робот-кола со еден куп додатоци што се управува преку смартфон, а плус има и други фори. На прва ќе кажеш „ама малото има само 4 месеци и уште нема поим за ништо околу себе,“ и ќе згрешиш, затоа што токму ова е клучното нешто за неговиот психофизички развој (веројатно не е, ама ти го заслужуваш ова). Ви стоиме на располагање и за дополнителни аргументи за да ја оправдате набавката на најеопходниот уред што ви фали по дома.

Што да ви кажеме, уште едно првенство во Русија за билдери и слично, и уште еден натпревар во шамарање, чисто за на публиката да и биде поинтересно. Само овој пат го нема она забраденото брдо од човек Камотски, всушност нема ниту едно машко. Натпреварот во шамарање е меѓу жени, а неможеш да оставиш жени на бина да си лепат шамари по лице. Ама Русинот и за тоа има решение.

Џабе да купиш добра и исправна кола, џабе да почитуваш знаци и сообраќајна сигнализација, џабе да не користиш мобилен телефон додека возиш. Сè е џабе ако имаш глупи патосници.

Следен пат кога ќе ја пцуете пластичната сигнализација на сред автопат нека ви текне на видеово од Русија.

Како бајковито би звучеле вести од светот кога државите би ги именувале по буквалното значење на нивното име: „Премиерот на Централното кралство во посета на Земјата на многу зајаци.“

На плантажа во Орегон одгледуваат органски канабис, само за да ги нахранат нивните, уште пооргански свињи. И како мислите да ја сопреме ние миграцијата кон Запад?

Ако животот ти даде да си музичар стигнат до таму да свири во трговски центри што прокиснуваат, ти дочекај го со ведрина на човек што успеал, што во случајов е нумерата од Титаник. За жал, за човекот што на крај ќе се појави со кофа и џогер, немаме ваква утеха, освен дека сите така сме се чувствувале барем еднаш во живот.

Мал вовед за тие што пропуштија. Епл имаат нов ултра добар монитор по цена од 5.000 долари. Е, тој монитор од 5.000 долари не доаѓа со постоље / држач, тоа се купува дополнително, за дополнителни 1.000 долари. (Бонус на ова е што сите цени на Епл во Европа во најдобар случај се исти само наместо долар, завршуваат со евро.)