Еден од нив, заради здравствени проблеми со срцето, мораше да отиде на хируршка интервенција (промена на клапна), поради што претстојната турнеја на Ролинг Стоунс е одложена.

Да пробаш ова да го повториш нема да ти успее во 10 од 10 случаи, ама затоа што нема да пробаш да го направиш туку само ќе го гледаш, меракот е неизмерлив.

Нема причина зошто најголемиот дел од штекерите да изгледаат поразлично од ова, исто како што нема причина зошто на некој до сега не би му текнало вакво нешто и да направи богатство од ова.

Веројатно новава има некои многу понапредни примени и не е фер да се руга, ама сепак, барем во видеово заслужува.

Добитничката на глобалната награда за 2018 година се вика Андриа Зафираку и работи во еден проблематичен кварт на Лондон. Децата во тоа школо имаат 35 различни мајчини јазици и над 80% се со проблеми со англискиот. Па сепак, на Зафираку не ѝ се троши ентузијазмот да го подбутне секој ученик да извади максимум од она што го носи во себе.

Од колку заебанции ќе бевме поштедени и колку милиони часови од нашите животи ќе беа заштедени ако се задржеше оваа досетка за петто тркало кое помага во (от)паркирање. И онда, ова го укинале ама затоа почнаа да ставаат - греење на седишта.

Ако знаете дека песната за Рамо се вика „Рамо, Рамо“, тогаш ви е разбирливо што оваа песна која Мухарем Сербезовски со полна душа ја пее за Скопје, се вика „Скопје, Скопје“. Пазете го вие тој текст, пазете ја вие таа љубов! На човек да му падне срам што заборавил да сака.

Можеби мислите дека жиците се плус и минус ама она минусот може некого да го потсети на себе и да го фрли во депресија. А тоа не е убаво. Како да ја викате тогаш таа жица?

Сет Годин сака да помогне со животна лекција базирана на авокадо.

Млад дечко од Л:А. со холивудски амбиции, досега немал ксмет па добива само улоги на тотално маргинален статист. Ама, наместо да падне во депресија, прави едно генијално скоцкано филмче со своите појавувања на екран. И цап - мадафака!

Доволно е малку да се турира со моќни гуми на некој џип и ете ти пожар кој ќе ти го направи местото погодно за идна „урбанизација“. Само да не претераш ко слепецов, па да ти се укопа машината.  

Супер шармантен настап на двајца старки кои покажуваат дека уште не ги заборавиле потезите научени во нивните аналогни но разиграни младешки денови.

Туристи се шлаат на брегот на Исланд и зјапаат во глечери, кога еден од глечерите паѓа жртва на глобалното затоплување. Интересно, само за тој што снима.

Со смиреност која се очекува од еден духовен лидер од негов калибар, Баба Рајнееш (некои го знаат и како Ошо)  сталожено расплеткува граматички и јазични финеси околу еден од најинтересните зборови во англискиот јазик. Што ти значи да си факинг мудар човек!

Три работи: прво, ова е такси паркингот на некојa поголема железничка или автобуска станица најверојатно во Токио; второ, не е вежба за парада; трето, сето ова се случува без наоколу на патролираат 18 полицајци како чувари на лавови.

Што ќе бидне ако сите нуклеарни бомби во светов бидат детонирани одеднаш? 4.500 градови (оние со над 100.000 жители) и 3 милијарди луѓе можат да се убијат инстантно. И - драгичка! - ќе останат уште 1.500 нуклеарки. Што ако тие се соберат на купче и се детонираат негде џенем, во Амазон?

Со помош на медиуми доволно сте прошетале по црвените оскаровски килими, холивудскиот гламур или луксузните вили на Прекардашијанки. Чисто за да одморите очи од тој блескав свет, елајте да се повозиме, денски и полека, низ еден кварт во Лос Анѓелес кој се вика Скид Роу (во Даунтаун).

Како една земја како Бразил да се извлече од криза со чисто технократски принцип, како да е корпорација. Сето тоа украсено со модерните концепти на иновација, даунсајзинг....Одлична пародија на ТЕД форматот.

Се вика Хајдроу и е скапо, во класа некаде на премиум статични велосипеди (Пелотон и сл.). Скапо = 2.400 долари само машината. Ако уште ви е тука паметот, Хајдроу излегува во мај.

На концерт на Пол Макартни во Чиле, се појавува - Фреди Меркјури! Гладничок, ама знае тој со публика.

Викаат дека на Црногорците омилено животно им е змијата бидејќи „ем лежи, ем оди“. Оваа ќе да е наша, македонска, пошто „ем лежи ем врз себе гази“.

Како на некои луѓе им изгледаше тој фамозен дуел Заев - Мицковски кој помпезно беше најавуван како дуел на деценијата (каква деценија, таков дуел, јеби га). Бонус: неколку Хичкоковски камео појавувања на Боки 13.

Лимонадата од 90-ти со Вил Смит, Принцот од Бел-Ер, преадаптирана во мрачна драма како денешниве. Исто сценарио, исти ликови, само без музиката и траката за смеење.

Доделувањето на Оскарот за монтажа монтиран во истиот стил како и филмот што ја доби годинешната награда. Авторот на клипов објаснува: „Бидејќи сфатив дека Оскарите не се доволно добро монтирани, сето она што го научив за филмска монтажа од годинешниот добитник на Оскар во оваа категорија, Боемска рапсодија, го земав и го употребив за подобрување на овој говор.“