Одлична британска телевизиска серија, која ги истражува мрачните страни на технологијата, со кои допрва ќе се соочуваме. Нешто како „Зона на самракот" на дигиталната ера, со техно тину-нину во позадина.

На 21 декември 1913 година во њујоршки весник се појавил првиот Word Cross. Така бил создаден првиот крстозбор, и цела субкултура на заљубеници во вкрстувањето зборови наместо копја.

Деновиве ни стигна најубавиот новогодишен подарок - пакетче со кандирани костени и писмо, со рака напишано на светло сина, рачно направена хартија. Парадоксално е: во светот во моментов се испраќаат милиони мејлови. Но мал број од нив се вистински писма.

Screw е неделно порнографско списание за хетеросексуални мажи, кое во САД излегува од 1968. Неговиот основач и главен уредник почина вчера (19.12) во старечки дом во Бруклин, на 77 годишна возраст.

Koj збор (во англискиот) ја одбележал годината кога сте се родиле? Бутлег, френеми, блог или паркур? Проверете сами.

Пишуваш книга на свои 19 години, полн со тинејџерски отпор кон општеството и со амбиција преку насилство да предизвикаш политичка промена. Четириесет години подоцна веќе не си истиот човек. Но твојата книга продолжува да инспирира нови генерации. Како да го спречиш тоа?

Оние кои до сега не читале веќе нема да имаат изговор дека книгите се скапи, недостапни, или дека по книжарниците нема избор. Оние кои пак редовно си мезнуваат од книжевната трпеза, сега пред себе ќе имаат гозба од македонски специјалитети.

Рејчел Нол (Rachel Knoll) е родена во САД, а во моментов живее Лондон каде студира на Кралскиот колеџ за уметност. Нејзините интерактивни инсталации и видеа се занимаваат со осаменоста во дигиталното доба. Знаете на што мислиме, нели?

Во 1830 Мајкл Фарадеј создал нешто што е познато како Фарадеев кафез, простор изолиран со материјал кој ги блокира електромагнетните сигнали. Тоа во современ контекст значи дека ако се затворите внатре со мобилен, лаптоп или радио, ништо од сево ова нема да ви работи.

Замислете сајтов да организира наградна игра со машала главна премија, ама со единствен услов - да си го смените името (асли, во лична карта), и од утре да се викате Офко или Офнета.

Има денови кога културните рубрики се полни со некролози на заслужни дејци. Денес светот се простува од двајца актери - Питер О'Тул и Џоан Фонтејн. Бидејќи повеќе ќе се пишува за Лоренс од Арабија, ние ќе пишуваме за русокосата муза на Хичкок.

Ова е еден од оние филмови кои или сосема ќе ве „освежат", или ќе ги прекинете на пола и ќе посакате никогаш да не сте ги гледале. Ние сме од освежените.

Многу, многу ги цениме обидите за популаризација на науката и нејзино „преведување" на јазик кој може да го разбере и нормален човек. Ова е дефинитивно еден од најоткачените обиди да се стори тоа.

Убава песна за човечката природа, од еден католички монах, мистик и борец за социјална правда. 

Покрај сите (авто)биографии на славните кои излегоа оваа година (Тачер, Тајсон, Морисеј, Кеш, Черчил), една отскокнува по својот концепт. Затоа што иако по сè изгледа како детален животопис на реален човек, таа е сосема измислена.

Таа можеби маскира еден тажен факт - дека тој не успеал вистински да го вознемири глобалниот поредок на моќта.

Не сме сигурни која би била целната група за ваков тип подароци. Освен што би требало да имате склоност кон книжевност и кон некои од овие автори, веројатно би требало во душа да сте и малку фетишист, да ве бива за вуду, или едноставно да го негувате детето во себе. Кукли од некои македонски автори, особено за ова вудуво, би можеле да бидат прилично профитабилни.

Мишел Гондри, францускиот режисер, сценарист и продуцент („Човечка природа", „Вечниот сјај на беспрекорниот ум") направи филм за Чомски, чија жанровска определба веројатно најдобро се опишува со „анимиран документарец".

Иако под „мит" обично се подразбира приказна која може, но и не мора да содржи веродостојни ликови, локации и настани, кога е во прашање туризмот неговите џи-пи-ес координати стануваат пресудни за (не)успехот на понудата. Во случајов за Одисеј се тепаат два града во централна Италија.

Повеќе од 500 писатели и уметници, вклучувајќи пет добитници на Нобел за книжевност, го осудија обемот на надзор на дигиталните комуникации од страна на државите.

Проект од такви размери како архивата на Google Books повлекува потенцијални грешки од различен тип. Една од нив е - додека читате книга на Гугл да ви се појави раката на оној кој ја скенирал книгата, со навлечен розов „кондом“ на прстите. Луѓе од целиот свет сега ги регистрираат овие грешки, кои се една фина пукнатина во навидум совршениот дигитален систем.

„Внатре палатата на соништата: животот и времињата на њујоршкиот легендарен Челси хотел" е нова книга на Шерил Типинс која ја раскажува приказната за еден објект кој е нераскинливо врзан за историјата на современата култура.

На 64-тиот роденден на Том Вејтс, неколку варијации на петар-пановската тема.