- Во Народниот етнографски музеј во Варшава, вечерва (22.3) ќе се промовира двотомно издание на полскиот етнолог Јозеф Обрембски, материјали собирани во текот на неговиот истражувачки престој во Порече во 1931-32 година.
- Над 1300 страници долг (или во килограми, над 3кг тежок) неверојатен етнографски и историски документ за македонската култура, конечно е достапен во целост благодарение на посветеноста на проф. Ана Енгелкинг од Институтот за славистички студии при Полската академија на науки. Во транскрипцијата и стручната редакција на текстовите учествуваа и Јоана Ренкас и Илија Упалевски.
- Кај нас, дел од материјалите на Обрембски (копии на оригиналите од Архивот на библиотеката Ду Боа на Универзитетот Масачусетс) се чуваат на Институтот за етнологија и антропологија при Природно-математичкиот факултет, УКИМ.
- Холивудскиот актер Доналд Сатерленд почина на 88-годишна возраст во Мајами. Веста за неговата смрт ја потврди неговиот син Кифер Сатернелд.
- Кариерата на Сатерленд траеше повеќе од 60 години, со снимени над 190 филмови и серии.
- Иако никогаш не освои ниту една од големите филмски награди за главна улога, тој освои два Златни глобуси за најдобра споредна машка улога – во филмовите „Граѓанин Икс“ и „Патот до војната“. Беше награден и со почесен Оскар во 2017 година.
- Фондација „Кантарот“ и семејството на спортскиот коментатор Александар Стиков, под мотото „Добриот глас надалеку се слуша“, распишуваат конкурс за наградата, најдобар млад презентер на научна содржина – „Колега Стиков“.
- На конкурсот може да учествуваат сите ученици од основните училишта во Македонија. Основците кои сакаат да учествуваат, потребно е да снимаат како презентираат текст со научна содржина, научен експеримент, научен концепт, приказна за својот омилен научник, осврт за книга со научна или научно-фантастична содржина, репортажа од научен настан или своја оригинална замисла за презентација поврзана со наука.
- Видеото треба да се испрати на naukazadeca.mk@gmail.com со основни податоци: име и презиме, одделение, училиште, град и телефон за контакт. Наградата е во вредност од 500 евра и ќе биде доделена за време на третата конференција „Наука за деца“ (18-19 октомври 2024).