На Русите не им се бендиса најновата филмувана верзија на „Ана Каренина". Една од причините - Кира Најтли била преслаба.

Има една форма на човечка комуникација за која ќе биде потребно уште долго време пред да стане целосно дигитална - оставање ѕидни пораки по канцеларии и тоалети.

Урнебесен, нов текст на Вуди Ален од Њујорк Тајмс, за стапиците но и добрите страни на хипохондријата. Фино е да разликуваш шљифка од меланом, но и подобро е да внимаваш со антибиотиците, отколку тие да ти ги убијат сексуалните дразби во полн лифт.

Ако вашата идеја за библиотека е онаква голема сала со полици фино наредени со томови книги по азбучен ред и по жанрови, тогаш наскоро ќе треба да си го преиспитате концептот. Наскоро - за едно сто години.

„Облека за умирачка" е истражувачки проект на Маргарета Керн, уметник од Лондон, базиран врз визуелно документирање и интервјуа со жени од Хрватска и Босна и Херцеговина кои, исто како и нашите баби и прабаби, уште додека се на нозе и во добро здравје си ја подготвуваат облеката во којашто сакаат да бидат погребани.

Кралската оперска куќа од Лондон, пред заминувањето на нејзиниот извршен директор Тони Хол за директор на Би-би-си, најавува храбар потег. Меѓу другото дури четири опери инспирирани од ликот и делото на - Славој Жижек!

Нагиса Ошима, најпознат по контроверзниот „Во царството на сетилата" и „Среќен Божиќ г-дине Лоренс", почина на 80-годишна возраст.

Хилел Шварц, 64-годишен поет, историчар на културата и писател,е автор на обемната студија „Правење врева: од Вавилон преку Биг Бенг и понатаму". Во неа потсетува на едно интересно Здружение, формирано во Њујорк 1903. Претседател на еден од ограноците бил Марк Твен.

Бротиган сме го испочитувале и претходно - растроениот а толку лиричен американски писател, кој заслужува да биде познат исто колку Керуак или Буковски, а не е. Краток расказ за неговата љубена, од која е воодушевен исто колку и селанецот кога прв пат му вовеле струја. 

„Срам" е драма на Британецот Стив МекКвин за еден по малку чуден, навидум сосема зен лик, и неговата опседнатост со секс. Среде целата таа атмосфера на излегување на крај со сопствените демони, има една сцена која наводно е снимена без повторувања.

Една наша соработничка замери дека на сајтов нема доволно женски теми и ист таков сензибилитет. За да ја исправиме работата, Букбокс отвара посебна рубрика - женско ќоше - со такви типични, нежни, домаќински и женски теми. Првата: снагаторство.

До сега се тужеше и судеше за неговата музика, и само беше прашање на време кога ќе изјави дека е злоупотребен и неговиот книжевен опус. Еве го - Штулиќ ја тужи белградската издавачка куќа „Плато" заради наводно кршење на авторските права.

Го запознавме во романот на Кларк, го гледавме кај Кјубрик, а сега може за 499 долари да си го имаме и дома. Кого? Па, Хал.

Марија Попова и нејзиниот блог BrainPickings се фино освежување од доминантните содржини на интернет. Книги, уметност, наука, фино дизајнирано и читливо. Така мислат и 1,2 милиони читатели месечно. Еве што мисли таа.

На моменти тешкиот филм на Ханеке го разбива убавата музика изведена од Александар Таро, кој во него се појавува во споредна улога на она што навистина и е - пијанист.

Во Музејот за филм и телевизија во Берлин вчера е отворена ретроспективна изложба посветена на Мартин Скросезе, за која режисерот прв пат ја има отворено неговата огромна архива.

Во ноември 1970. Боуви му го напишал следново писмо на Боб Грејс, човекот со кого го потпишал првиот петгодишен договор, и на кратко му го раскажал дотогашниот живот. Имал 24 години.

Мајкл Граб е балансер на карпи. Не, не балансира тој. Туку прави скулптури од карпи кои изгледаат како да се бетонирани, заварени или барем залепени едни на други. А не се.

Илјадници книги кои до сега беа забранети во Турција, благодарејќи на владина реформа, сега се тргнати од овој список. Ама...

Чешкиот писател Јозеф Шкворецки (1924) во новела под наслов „Бас саксофон" зборува за џез музиката за време на нацистичката окупација на Чешка и Моравија. Во тоа време бил тинејџер, имал свој бенд, а татко му му го купил првиот саксофон. Еве како требало да свири.

На патот Мостар-Сплит, кај местото Кочерин, на основното училиште се појавија кирилични букви, со висина од 1,4 метри, длабоко изрезбани во ѕидот. Србите веднаш кренаа паника - Хрватите сакаат да им ја земат кирилицата! Нас за среќа никој не нè спомнува.

Од Њујорк до Ереван, луѓето читаат, имаат книжевни херои, и сакаат истото да го соопштат преку ѕидовите на нивниот град. Има ли некој ваков кај нас?