Веќе неколку сезони серијата покрај одличните рејтинзи влече и сериозен хејт од нердовите. Нивната забелешка е дека таа "ги третира нердовите и нивната култура како стереотип за исмевање, иако голем број луѓе го сметаат тоа за важен дел од нивните животи."
Прво, забелешката е дека нерд културата не е темата на шегите, туку e исмејувана во нив.
"Саут Парк во епизодата 'Make Love not Warcraft' успева да го направи Воркрафт тема на нивните шеги. Комјунити во епизодата 'D&D' успева да ги направи Данџнс енд Драгонс тема на нивните шеги. Дали тие исмеваат добар дел од елементите во нивните теми? Апсолутно, ама тука завршува. Тие исмеваат делови од тоа... Во Биг бенг, тема на исмевање е нердовската култура.
Се сеќавам на една епизода во која Шелдон вели дека игра Нинтендо 64 на емулатор, и по ова беше пуштено вештачкото смеење. Очекував дека тоа ќе биде основа за шегата, ама не, тоа беше шегата, идејата дека некој ќе сака да пушти Нинтендо 64 игра на компјутер е главната шега," објаснува на Редит корисникот Информат3.
Аниматорот Каваипирана на Јутјуб води цел канал со пародии од серијата:
Втората забелешка е дека хуморот во серијата е експлоатирачки, и дека не баш смешно да се присетуваш на детството каде си бил малтретиран или исмејуван заради тоа што си бил нерд.
Трета забелешка е привидот на реалност.
"Во други серии кога ќе видиш како се претставени хакерите и компјутерската безбедност, не им обрнуваш внимание и не бараш никаква реалност. Проблемот со оваа серија е што ние НАВИСТИНА играме Нинтендо 64 игри на емулатор, ама тоа го правиме на УСБ контролер, не на тастатура. Ние НАВИСТИНА сами составуваме гејмерски машини, ама тоа не се Ејлиенвер. Ние НАВИСТИНА имаме бела табла по дома за запишување идеи, ама таа не е за натпревар меѓу нас. Серијата собира критики затоа што не толку далеку од погодување на целта, ама не е ни доволно блиска да се идентификуваш со неа," пишува Инфромат3.
Критиката се сведува на тоа дека на нердовите им е очигледно дека шоуто се однесува на нив, ама не е напишано за нив. Односно ова:
"Некој го кажа овој пример:
Нердовска шега / забелешка: 'Ладно е како на Хот.'
Теорија на Големата експлозија: 'Ладно е како на ледената планета Хот од Ѕвездени војни.'"
Или ова:
