Се повеќе вработени во Шведска, паузите на работа ги трошат на Lunch Beat, 1-часовен настан на кој одиш да играш и да каснеш нешто.
Учесниците за влезница од 14 долари добиваат цел час музика и сендвич, за да не се вратат гладни на работа.
Настанот прв пат се одржал во јуни 2010-та во Стокхолм, кога се појавиле само 14 луѓе. Денес на собиранките доаѓаат стотици луѓе, а целиот феномен е раширен низ повеќе шведски градови.
Организацијата е непрофитна, а неодамна отворија и фондација која треба да собира фондови што ќе помогнат во отворање на нови "филијали" во други градови.
"Првото правило на Lunch Beat е дека мораш да танцуваш. Ако не сакаш да играш за време на паузата за ручек, тогаш треба ручекот да го јадеш на некое друго место," објаснува 31-годишниот организатор на Lunch Beat Стокхолм, Даниел Оделстад.
