За да се спречи дополнително затоплување на планетава над границата од 2 степени Целзиусови вработените во Британија, Шведска, Германија и други европски држави ќе треба да ја скратат работната недела за нивните држави да ги постигнат целите што ги потпишале.
Работната недела од вкупно 9 часа е добиена врз основа на бројките од ОЕЦД и О.Н. за загадувањето што го предизвикува работата на индустриите во овие три држави.
„Да се постигне зелено и одржливо општество ќе бара повеќе стратегии, од кои скратената работна недела е само едно од решенијата,“ објаснува директорот на Автономија, тинктенкот што го изработи истражувањето.
Документот го пресметува само намалувањето на загадувањето од индустриските капаците, а не ја зема предвид предноста од потенцијалното намалување на патувањето до работа и од помалиот број произведени стоки и потрошени ресурси.
